狂歡聖誕夜

咁多年聖誕, 今年最多節目,

24號開始放假, 雖然hea左個晏晝,

不過都有fd陪既,

夜晚打左個小肥羊邊爐,

之後去左飲野, 唔覺唔覺就過左個平安夜,

聽到人地嗌先知原來咁就到左聖誕.

 

聖誕節果晚就一早應承左去個fd搞既party,

因為有好多唔識既人會去,

所以都幾期待會識到d人.

結果玩就好玩, 不過始終係呢種場合識既人唔係太適合自己,

係有少少失望既, 不過都ok啦,

聖誕節可以玩得咁癲,

成班fd去, 醉左3個, 好瘀呀, haha.

 

跟住兩日既活動終於都健康番,

boxing day 同同事去左香港仔燒野食,
雖然有成6個人甩底,

剩番8個人,

不過都好玩,

又有得交換禮物.

 

不過份禮物之後就轉左手,

因為燒完之後都仲可以趕到下一場,

出席小學同學既聚會.

陪佢地食左餐飯之後,

上左間樓上cafe飲野(non-alcohol),

傾下計咁, 然後交換左頭先抽番黎份禮物.

跟住又覺得唔夠喉,

約埋星期五出黎打邊爐.

 

27號last一日假期,

同左大學班莊友打麻雀(因為有人遲到, 打得兩圈都無, 好無癮),

之後唱tea k, 交換禮物(用琴晚果份, haha),

食自助餐同睇harry porter,

玩到好累好累,

咁就結束左個假期, 好"充實"

 

Jason Kwok (\/)@-@(\/)

re: WTO

頭先check mail 見到有個警察comment 我個blog, 我想係度解釋下...

 

首先係我真係唔係太清楚WTO係點做野, 你知咩?? 你知道真係無黑幕???

 

另外我都無話反WTO, 做乜咁激動???

 

至於體驗, 我話想見識下o者, 都未去. 而且都無話係最激果時去, 睇下佢地點三跪一拜都唔得呀???

 

我知警察好辛苦, 又要俾人打, 又無得反抗, 又無得訓, 香港市民知道既, 唔駛爐氣.

--
Jason Kwok (\/)@-@(\/)

聖誕完成

放左四日假, 四晚都有出去玩, 夾埋都玩左4次交換禮物.

 

我夾埋買左2份禮物, 第1份換到份糖, 即場分左俾人, 不過係個場度拎番幾份無人拎既禮物返屋企, 有賺.

 

另1份換左份禮物用黎交換第3次禮物而交換到既禮物又用左黎換第4份禮物, 哈.

 

雖然好慳, 不過份份都好岩d人用.

 

聽電台知道有個幾有趣既交換禮物方法, 就係事前抽左個名先, 你要諗一份禮物送俾果個人, 咁都唔錯呀, 容易d買野.

--
Jason Kwok (\/)@-@(\/)

放假啦~

聽日起一連放四日假, 除左聽日平安夜之外, 其餘三日既節目都安排好左.

 

平安夜, 頭先打錯幾次做不安夜. 我諗呢晚未必真係不安, 只係有d野. 可能呢晚就好似情人節咁, 係唔屬於單身人士.

 

放低左, 以為唔會再拎番上手, 但原來都仲係度, 不過呢埋左, 然後係呢d日子度出番黎.

呢d日子, 的確係會硊弱d, 好易有錯覺, 少做少錯為妙.

 

============================

 

放完假之後又有好多野做啦, 所以呢幾日要盡情享受, 過左之後, 雖然仲有個新年, 不過都未必有咁好心情放假啦, 所以呢幾日要玩盡d, 就算一個人都要出街玩.
--
Jason Kwok (\/)@-@(\/)

唉~ 又停左無寫添, 就寫呢樣啦

前日幫總會做野, 做得好無奈.

 

------------------------------------------

最主要係briefing 唔夠, 成班人去到都唔清楚要做d乜野, 有幾多野要做. (果日原來做晒咁濟都唔知, 到放工前1, 2個鐘都仲以為第二日仲有好多野要做)

 

分組係自由組合既, 呢個都ok, 做野會夾d. 不過分配工作就都係由組自己揀, 咁呢樣就好似有d問題, 應該由大會分配會好d.

 

但係分工果時好似無計過咁, 個感覺好似"丫, 呢樣都好似夠人做, 咁呀...er... 你做呢樣先啦", 好多野都係做到果度先再諗下跟住可以做d 乜. 簡單d講, 即係好似無plan過每樣工作所需人手同時間. 好多時都係"丫, 你地做完啦??? 咁呀... 你地等下先, 陣間俾野你地做"

 

最緊要係d野唔齊囉, 工具唔齊(界義工label竟然要用較剪?!?!?), label唔齊...................................

------------------------------------------

 

無他既, 總會做既野始終同中心做既野唔同, 就好似高官同前線做既野都唔同. 唔係話總會做得差, 不過呢d野, 都係留番俾我地去統籌會好d, 做慣做熟麻

--
Jason Kwok (\/)@-@(\/)

WTO

透過電視, 知道韓流襲港,

心中不禁一寒, 想不到會有這些事在香港發生.

 

不過雖說香港很細, 但就算灣仔發生大爆炸,

處於太古城的我都未必會感覺到,

所以感覺又好像很遠似的,

有種不關事的感覺.

 

不過亦多得WTO在香港舉行,

才令我(或香港人)知道更多WTO的事,

原來是這樣的...

 

後悔沒有到灣仔體驗遊行示威,

可能一輩子都只得這次機會,

很想再有機會體驗,

但又不想在香港發生,

那可能要去外地,

但外地的話又可能危驗十倍,

我想... 都是沒有機會了.

--
Jason Kwok (\/)@-@(\/)

Jack

巴斯光年2

中指 :p

PANDA

巴斯光年

三眼仔

金牛青蛙

S型post

朱古力火窩

呵呵呵~

終都都試左Haagen Dazs既朱古力火窩, 原來睇廣告果個係外賣裝, 所以仲以為有多d雪糕球, 而家得16個球, 一人分得5個, 唔係好夠添. 好在仲有其他生果呀, 蛋糕咁, 食到點鬼晒d朱古力漿.

雖然唔係話十分之好食, 不過就食得好滿足.

--
Jason Kwok (\/)@-@(\/)

二心

話說琴晚咁炆,

其實係同緊第二隊人打fdly.

 

呢隊波都唔錯,

又後生, 又無脾氣(表面黎睇),

突然間閃左下想過去打既念頭.

--
Jason Kwok (\/)@-@(\/)

電視送飯

未讀大學未住宿舍之前,

每晚都會追電視,

就連包青天都會追
一返到屋企就開左電視先.

 

不過人大左,

加上身邊既朋友都好少拎電視節目黎做話題,

好自然, 就開始唔點睇電視.

 

即係好似大個左唔鍾意食麥當當咁,

不過未必係因為個餐唔好食既,

不過人大左,

總有d野會變.

 

除左之前做隱敝青年果排成日煲電視之外,

最近竟然又睇番電視,

好似係做阿旺果期,

係d電視好睇左,

定係我個人悶左呢?

--
Jason Kwok (\/)@-@(\/)

最佳位置

和身邊的人保持一定的距離,

可以令你只看到他們的好,

同時亦不需赤裸裸地表露自己差的一面.

 

太接近的距離,

還是未能適應.

--
Jason Kwok (\/)@-@(\/)

好炆呀

好耐無試過咁炆啦,

可能呢排工作壓力大左啦,

好想發脾氣呀~

--
Jason Kwok (\/)@-@(\/)

驚

琴晚訓覺果時矇矇矓矓聽到呢段新聞:

"巴基斯坦東部拉合爾市一輛載滿婚宴賓客的巴士著火，導致至少40人死亡、12人受傷。

事發時巴士上約有70多人，由於市內有很多人煙花，其中一枚燒著巴士的油缸，巴士隨即起火，數秒間火燄包圍著整輛巴士，最後在嚴重燒毀的巴士上發現40具屍體。"

好得人驚呀!

--
Jason Kwok (\/)@-@(\/)

團年飯2

haha, 仲為緊個團年飯頭痛,

基本上, 又唔會擔心,

不過而家就執緊份分工表,

睇下邊段時間邊個人要做乜,

簡單d講, 即係填緊格仔,

分番每個人要做乜, 不過個格仔都幾多,

係24行x32行.

 

個團年飯1月24日先舉行,

不過就已經係我個腦度run左幾十次,

諗下去到邊到, 要留意d乜野,

又要睇下人手夠唔夠,

又要估下會唔會有d特別情況出現...

 

不過做到幾多得幾多啦,

都係要到時執生架啦

--
Jason Kwok (\/)@-@(\/)

團年飯

身為中心既一個非專業職員,

負責一年一次既中心會員團年飯,

的確有點吃力.

 

尤其係今年好似特別多麻煩野,

好彩今日知道左個好消息,

而且都知道有好多人支持我,

咁都放心d

--
Jason Kwok (\/)@-@(\/)

努力

放低得太耐, 要再努力, 記低每日開心事

--
Jason Kwok (\/)@-@(\/)

星期六

此摘要無法顯示。請 按一下這裡以查看文章。

planning

最近買左部palm, 第一部pda, function得最簡單果d, 主要都係用schedule, 所以都幾平.

 

今日睇住d tasks續樣做好晒, 個感覺幾好, 唔會好似以前咁做極都好似未做晒咁.

--
Jason Kwok (\/)@-@(\/)

On FIRE~

唔練波一排真係可以儲埋晒d力, 呢兩日打起波上黎真係強, 好順手, 下個星期日比賽, 唔知會唔會on fire埋果日呢?

--
Jason Kwok (\/)@-@(\/)

Halloween

廿幾歲仔，終於都第一次真真正正咁"慶祝"萬聖節，雖然唔係正日，不過都玩得好開心。

 

琴晚聽電台講，原來萬聖節既由來係源自唔記得邊個國家，果度d人認為d鬼會係10月31號出晒黎捉d人去地獄，所以d人就會係果晚扮晒鬼，扮係同類咁，咁d鬼就唔會捉佢地，傳下傳下，就變成而家既萬聖節喇。

 

上個星期六晚同班朋友仔去左海洋公園個哈囉喂度玩，玩左幾間鬼屋，第一間最恐佈，可能新鮮d啦，所以之後果幾間都覺得差d。我地最尾齊人係有成11個人，好鬼熱鬧，玩完鬼屋之後又去左玩跳樓同越礦飛車(x2)，仲係飛緊車果陣唱生日歌，同個朋友仔慶祝，high到爆。

 

跟手落左bar飲酒，又係好多人，好多同學仔，好開心咁多人係咁多年之後都仲聚埋一齊hea。

--
Jason Kwok (\/)@-@(\/)

頭都爆

11月有粵曲表演

12月有聖誕節目

1月有團年飯

好多野要諗呀

--
Jason Kwok (\/)@-@(\/)

澳門觀光塔、熱情歌舞瘋癲show美食三天遊

星期四到六跟中心去旅行, 返大陸(澳門只係其中一個晏晝既行程), 所以急急地係今日先拎番個回鄉証.

 

行　　程

第一天：集合地點→深圳→豐本名果園→享用西江河鮮宴午餐→桑葉文化館→雲錦布衣族→快活谷→偉人故里（全新孫中山博物館、龍園居）→享用大江南北宴晚餐→觀看聚龍"香江花月懷舊夜"歌舞表演→入住酒店

第二天：酒店享用早餐→橫琴口岸→澳門→金沙娛樂場（於2004年5月底開幕，裝修華麗媲美拉斯維加斯娛樂場，團友可參觀或一試身手）→瑰寶館→參觀觀光塔（團友可登上58層玻璃層及61層露天層觀看澳門全景及遠眺珠海宏偉建築）→於觀光塔內享用自助午餐→珠海→淇澳島風光→漁夫之寶→享用五邑家鄉宴晚餐→新會→入住酒店

第三天：酒店早餐→紫雲觀→孔子廟→學宮博物館→享用陳皮風味宴午餐→綠色農莊大觀園展示中心→深圳→香港

住宿：第一晚 (珠海四星級京華苑酒店或同級)
　　　第二晚 (江門最新落成五星級逸豪酒店或同級)

--
Jason Kwok (\/)@-@(\/)

公開

收在心底的感受不能說出, 其實是難受的, 所以在被發現後和盤托出, 另一方面看都是舒一口氣的.

昨晚就有這個感覺啊, 既不用刻意公開, 亦不用被嚴刑逼供, 大家只是輕輕帶過, 得到確認之後便"飲杯", 多謝沒有令我們難堪呢.

戊孰

事情公開了, 原來就是這麼簡單, 難得的沒有帶來任何壓力, 是成熟了嗎? 但仍愛喝喎.

他們解釋是工作壓力大, 怎麼我又... 不是沒有, 也試過逼得透不過氣來, 真的有壓著心口的感覺, 但喝酒沒用麻, 電視也解釋其實是沒有用的, 與其喝酒, 倒不如買些心儀的東西, 可以吃, 可以玩, 或可以擺, 總好過嘔回出來

不過... 可能... 大人都愛喝

酒醉過後

=P 其實都不醉, 只不過是喝了少許, 第二天都總會在較早的時間便會醒來一下, 沒有頭痛, 思路清晰, 所以沒有再去睡的理由.

但... 還是繼續去睡...

Wonderfuland become more wonderful

--
Jason Kwok (\/)@-@(\/)

喜歡現在的感覺

--
Jason Kwok (\/)@-@(\/)

有事發生了

不知所措, 思想被佔據...

--
Jason Kwok (\/)@-@(\/)

酗 酒

飲 酒 是 傳 統 飲 食 文 化 之 一 ， 不 少 人 士 都 喜 歡 淺 嚐 杯中 物 ，尤 其 在 社 交 場 合 當 中 。 若 長 期 飲 酒 過 量 或 過 密 ， 會 導 致 「 上 酒 癮 」 ， 帶 來 酗 酒 的 問 題 。

酗 酒

酗 酒 是 指 長 期 飲 用 過 量 酒 精 而 導 致 身 心 依 賴 ， 不 能 自 制 。 對 生 理 、 心 理 、 社 交 健 康 造 成 損 害 。

成 因

酗 酒 的 成 因 多 為 心 理 因 素 ， 是 一 種 逃 避 現 實 的 行 為 。 嗜 酒 的 人 可 能 於 日 常 生 活 中 承 受 極 大 壓 力 ， 藉 酒 精 麻 醉 自 己 ， 以 逃 避 壓 力 、 憂 慮 及 寂 寞 的 感 覺 。 起 初 飲 酒 後 或 會 感 到 快 慰 ， 但 往 後 卻 造 成 酒 精 依 賴 ， 即 「 上 酒 癮 」 ， 以 致 不 能 自 控 。

禍 害

1. 生 理
* 中 樞 神 經 ： 記 憶 力 衰 退 、 思 考 及 判 斷 力 減 退 ， 視 力 模 糊 、 感 官 功 能 失 常 、 反 應 緩 慢 及 失 去 協 調 能 力 ， 出 現 幻 覺 。
* 心 臟 ： 發 大 、 衰 竭 、 血 壓 升 高 。
* 肝 臟 ： 體 積 發 大 、 肝 硬 化 、 從 而 引 致 肝 癌 。
* 消 化 系 統 ： 食 道 炎 、 胃 炎 、 胃 潰 瘍 出 血 、 引 致 營 養 不 良 。
* 女 性 ：容 易 有 不 安 全 性 行 為 ， 導 致 意 外 懷 孕 。
* 男 性 ： 不 舉 、 性 無 能 。
此 外 ， 酗 酒 的 婦 女 若 懷 孕 ， 胎 兒 發 育 可 能 異 常 ， 嬰 兒 體 重 過 輕 及 弱 智 ， 夭 折 機 會 較 高 。

2. 心 理
* 性 情 大 變
* 情 緒 不 穩 定
* 抑 鬱、失 眠
* 有 自 殺 衝 動

3. 社 交 及 工 作
* 影 響 工 作 表 現 、 失 業 。
* 經 濟 困 難 ， 引 發 家 庭 問 題 ， 如 離 婚 。
* 暴 力 傾 向 ， 有 犯 事 、 虐 妻 、 虐 兒 的 危 機 。
* 意 外 頻 生 ， 如 酒 後 駕 駛 更 危 險 。

測 試
如 你 有 以 下 的 行 為 ， 你 可 能 有 酗 酒 的 問 題
* 我 不 能 自 制 飲 酒 的 份 量 及 頻 密 程 度 。
* 我 每 天 起 床 第 一 件 事 就 是 想 喝 酒 。
* 我 總 覺 得 沒 有 喝 過 酒 ， 老 是 提 不 起 勁 工 作 或 做 任 何 事 。
* 即 使 工 作 時 我 也 會 喝 酒 。
* 進 餐 時 （ 不 論 早 、 午 、 晚 ） ， 我 一 定 飲 酒 多 於 吃 東 西 。
* 我 每 星 期 至 少 一 次 喝 得 爛 醉 如 泥 才 痛 快 。
* 我 有 間 歇 性 失 憶 ， 尤 其 在 喝 醉 之 後 。
* 我 缺 酒 的 時 候 ， 會 出 現 不 自 覺 或 不 自 制 的 手 震 。
* 我 經 常 因 飲 酒 與 家 人 、 朋 友 或 同 事 不 和 。
* 我 對 飲 酒 行 為 開 始 產 生 罪 疚 感 。

戒 酒 情 況 話 你 知

1. 治 療
要 治 療 酗 酒 這 行 為 ， 主 要 採 用 綜 合 療 法 ， 包 括 ： 藥 物 戒 酒 、 心 理 輔 導 及 康 復 支 持 三 方 面 。

2. 脫 癮 現 象
戒 酒 初 期 ， 通 常 都 會 出 現 脫 癮 現 象 ， 包 括 ： 緊 張 、 急 躁 、 失 眠 、 手 震 、 食 慾 不 振 、 脈 搏 急 升 等 。 但 是 ， 這 些 現 象 都 會 隨 著 時 間 逐 漸 消 失 。 所 以 ， 當 你 決 心 戒 酒 ， 要 作 好 心 理 準 備 ， 並 要 堅 持 下 去 。

戒 酒 秘 笈

各 位 有 志 戒 酒 的 朋 友 ， 我 們 特 意 送 上 這 張 戒 酒 貼 士 ， 祝 大 家 戒 酒 成 功 ！
戒 酒 貼 士 ， 教 你 如 何 穩 操 勝 券 ！
1. 向 親 人 、 朋 友 、 同 事 等 宣 佈 戒 酒 的 決 定 。
2. 堅 持 信 念 ， 堅 決 說 「 不 」 ！
3. 以 其 他 飲 品 代 替 酒 精 。
4. 避 免 參 加 以 飲 酒 為 主 的 活 動 。
5. 參 加 支 持 小 組 ， 與 組 員 互 相 鼓 勵 。

戒 酒 何 處 去 ？

1. 屯 門 酗 酒 診 療 所 （ 醫 管 局 ）
服 務 包 括 評 估 、 戒 酒 、 心 理 治 療 及 轉 介 其 他 輔 導 服 務 。
電 話 ：2456 8260
傳 呼 機 ：7308 1108
2. 戒 酒 無 名 會 （ 志 願 團 體 ）
由 成 功 戒 酒 人 士 以 「 過 來 人 」 身 份 輔 導 及 協 助 有 心 戒 酒 的 人 。
電 話 ： 2578 9822 （ 中 文 組 ）2522 5665 （ 英 文 組 ）

欲 知 道 更 多 健 康 知 識 ， 請 致 電 2833 0111 ? 生 署 24 小 時 健 康 教 育 熱 線 或 瀏 覽 中 央 健 康 教 育 組 網 頁 http://www.cheu.gov.hk

下星期

除左重陽節放假之外, 重有3日帶隊返左大陸, 得兩日要番中心做野. 不過其中一日又要搞program, 結果即係得番一日留係office做野.

而本應每個星期都可以放一日既dayoff就要調到去第二個星期放, 另外去旅行又會令到個OT quota爆, 所以係今個星期除左放一日dayoff之外, 亦有兩個半日OTL. 去完旅行之後個星期就放兩日咁.

不過今個星期既off都唔係咁得閒, 一來下星期無乜時間係中心, 好多野要做定先, 另外又要溫書做功課, 因為下星期一上最後一堂course, 又要考試, 又要交功課, 又要role play.

不過... 今日果半日off都無做到野添

酗酒

頭先好專心咁睇電視, 好似係新閒透視定乜鬼星期一咁, 講酗酒

我對酒完全無興趣既, 亦唔鍾意飲, 不過身邊既朋友好似迷上左飲酒咁, 仲飲得好勁.

頭先電視就話飲酒好似食葯咁, 會上癮, 又會致癌, 唔知佢地有冇睇.

講真呢d野唔講都知, 不過未必聽o者.

又影左新相啦

http://www.yskwok.com/cat3

我無做教練好耐啦

我做既所謂"教練", 其實只不過係分享下自己點樣做到, 唔叫得上做教.

都成年無做過"教練", 前日客串左一日, 同學仔女都學有所成, 感覺幾好, 哈.

--
Jason Kwok (\/)@-@(\/)

分享

經歷得越多, 越有故事和朋友分享, 才不致沒有話題.

還是近幾年的生活過得比較精彩, 儲到很多故事呢.

--
Jason Kwok (\/)@-@(\/)

剪髮

一直都怕到飛髮鋪飛髮, 所以就算去到中學, 都多數都係搵阿媽操刀.

當然, 都會有一日覺得咁剪唔靚, 所以最終都硬住頭皮去飛髮鋪飛髮.

係飛髮鋪飛髮, 到而家為止, 有兩個歷史突破.

一個就係final year果年為左場softball champfight剪左個極短既champfight頭

第二個就係上星期染左髮 :p, 好light果隻(即係染左都仲幾黑色果隻), 不過睇上去無咁黑, 感覺上輕d, 幾好睇呀.

然後第二日打完波, 載住con返屋企, 係屋企樓下俾個看更問我住邊喎, 問我係咪新搬黎喎, 唔通我唔同晒樣??

--
Jason Kwok (\/)@-@(\/)

醫療大百科

問 ：

請 問 低 血 壓 的 成 因 是 什 麼 呢 ？ 低 血 壓 要 如 何 改 善 和 預 防 呢 ？

答 ﹕

低 血 壓 的 成 因 包 括 ：

先 天 的 ： 但 無 症 狀 。
藥 物 造 成 的 ： 服 用 太 多 降 血 壓 藥 物 。
休 克 。
水 份 太 少 。
生 病 後 。
老 化 。
原 因 未 明 。

--
Jason Kwok (\/)@-@(\/)

116, 56

頭先幫個長者度完血壓, 之後貪得意幫自己量, 結果係上壓116, 下壓56.

一般黎講, 應該係140, 90, 我呢種叫低血壓, 徵狀係頭暈. 唔怪之得我成日都好似暈船浪咁啦.

--
Jason Kwok (\/)@-@(\/)

大浪反

終於到左一個唔落雨既假期, 雖然唔算好好太陽, 不過都不失為一個去沙灘反既好日子.

今日揀左黎大浪灣, 一個曾經黎幾密既沙灘, 水清沙幼, 好風既時候又可以玩浪, 又多後生仔女, 所以的確係幾好.

呢次同中學同學朋友仔黎, 原本諗住帶定好多野黎玩, 又啤牌, 又uno, 又扭扭樂, 不過見都幾好浪, 所以就租左板玩衝浪. 玩玩下, 試過成功之後就上左癮, 咁就玩左成個下晝, 太陽好彩唔算猛, 唔係實曬到火農.

後尾突然橫風橫雨, 又雷暴警告, 好彩係過雲雨, 避左陣雨就無事, 然後走人, 埋單唔駛一百, 抵玩又健康, 值得推介.

--
Jason Kwok (\/)@-@(\/)

青貓眼

原來佢地兩隻對眼係唔同色架喎, 小白果對係綠色, 好靚呀~

腰痛

好似係前日開始係咁既, 真係痛到呢. 以前都試過咁, 一痛就痛成幾個星期, 又唔知點樣可以止痛喎, 真係好辛苦, 訓都無覺好訓.

今日去旅行都仲痛緊, 但係又要走黎走去, 服侍班大帝. "玩"左成日放工返左宿舍練波, 練完之後而家又唔覺痛啦喎.

唔通... 其實因為讀書, 已經幾個星期無練波, 唔通係因為咁? 一唔打波就腰痛?? 唔記得上次腰痛係咁又係咁既情況呢? 如果都係,
咁第時老左打唔到波咪會成日腰痛??? 死咯~~

--
Jason Kwok (\/)@-@(\/)

久違了的中心旅行

自從"升職"之後, 都好少帶旅行, 數番上次都已經係上年既事黎.

今日重出江湖, 因為個景點好正, 正到好多會員去. 平時柴灣中心去旅行, 一般黎講一架車都未必坐得滿, 今次坐夠6架車, 即係差唔多成350人.

咁多人去, 因為今次係去迪士尼Disneyland.

不過就唔係入樂園玩, 而只不過係門口度睇下, 另外又去下迪欣湖度行下.

全世界一共有5個迪士尼樂園(導遊話如果計埋東京個迪士尼水世界就係第6個), 自己細個果陣就去過東京果個, 印象都無乜架啦,
淨係記得睇過套3D電影, D公仔好似走到你面前咁.

而家香港起左個, 好近, 不過都未有d乜野興趣想去, 未必係因為D負面新聞影響, 而係真係無乜野興趣, 可能係無人陪我去啦,
遲D有拖拍果陣入去玩下就唔同, 因為D景都靚, 影相一流.

今日係無靚人, 得靚景既情況下都影左D靚相, 分享下先.
http://www.yskwok.com/9trip

*同場加映志蓮淨院靚相

--
Jason Kwok (\/)@-@(\/)

背後價值

岩岩食完自助餐, 好飽.

其實諗得真d, 又唔係話好鍾意食咁多甜野, 不過就因為食野, 收到好多風, 聽到好多野. 以往都係咁, 同事聚會的確係收到好多風,
學到好多野. 所以有親聚會都會積極參加(收風).

做gym都差唔多, 老實講, 自己唔鍾意做gym, 果時讀U唔駛錢都無做, 而家反而俾錢做, 因為班friend做, 所以想藉此見多d.
結果都真係咁, 做gym之後生活"充實"左好多呢.

--
Jason Kwok (\/)@-@(\/)

食玩

哈~ 陣間去君悅食甜品自助餐, 第二次去啦, 今次要食多d先得.

睇番呢個零月, 都約同事出過去食好多次野, 日本野, 甜品自助餐, 星馬野, 自助餐, etc. 又同班朋友出黎玩左好多晚, 忽然覺得唔係好夠錢用添 -_-''

--
Jason Kwok (\/)@-@(\/)

習慣

起床->懶床->沖涼->換衫->落街左轉->入地鐵站->入閘->坐往柴灣列車

差唔多每日起身都做呢一set動作, 真係咪埋眼都識做. 但係就因為咁, 有時去街, 都會好自然做左呢set動作, 好似有時係想坐巴士,
有時係去旺角, 都會自自然然行左去地鐵站度坐柴灣架車, 好奇怪. 有時d野習慣得滯, 又驚做漏d野都唔覺, 例如未拉拉練, 件衫倒轉著咁.

不過係每朝晨咁早起身, 個人仲烏下烏下果時, 唔駛用個腦就做晒所有野返到工, 又的確係幾好.

--
Jason Kwok (\/)@-@(\/)

眼訓 -_- z z Z Z

琴晚終於死左份本應上個星期一交既功課, 其實本身有兩個星期時間去做, 不過繼承住讀U既模式, 唔到deadline都唔做.
事實上deadline都過左成個星期, 不過上星期放假, 結果又hea到琴晚.

做呢份功課好辛苦, 一來因為無上到果堂, 都唔係好知道講乜, 二來都係因為懶, 用左好多精神係做同唔做之間的鬥爭. Anyway,
終於都交左, 不過頭先上完堂, 阿sir黎同我地解釋做份功課既要求, 原來佢無諗住我地係上星期交~~~ 早知... 不過佢講完個要求,
其實自己份功課真係差好遠, 唯有再做過啦. 都好既, 而家有個底, 會容易d做埋佢掛.

--
Jason Kwok (\/)@-@(\/)

怒劈

自從上次唱k之後，先後同佢地出黎過多3-4次，次次都緊有一兩個人飲到醉晒。以前都唔會咁，不過而家佢地愈玩愈大，已經唔淨只玩啤酒，仲玩埋大基拿呀，煎咁。

當然，我呢d唔飲得既小學生，緊係借d意唔飲咁多，唱下歌仔玩下其他野就算，所以琴晚大半人醉晒，我都只不過係飲左兩杯仔，乜事都無。琴晚都幾恐佈，有三個人醉到走唔到，好彩有個阿sir主持大局，咁至搞得掂。

不過下次再係咁，我都會出黎玩，因為總要有d人清醒d先得既。

題外話：
間Neway幾正呀，係信和廣場，有成差唔多廿款dinner俾你揀，唔係行貨喎，有石頭飯添架，好食架，而且生果盤居然有兩個細蘋果，一個雪梨同埋一抽提子喎。換過兩間房，第一間好懷舊feel，d檯係d舊木黎；第二間房就好多cushion，好舒服，強烈推介呀！

暈船浪

遊完船海之後咁多日, 到今日都仲暈下暈下咁, 好wing呀

--
Jason Kwok (\/)@-@(\/)

Dr. Dog

http://www.yskwok.com/dog

--
Jason Kwok (\/)@-@(\/)

船海

係一號風頭吹襲之後，帶黎不少風雨，難得一日無落雨，就咁岩去左遊船海。

本應係叫做幾lucky既，日日都落雨，唯獨呢日咁好天。不過見到班同行既人就真係幾失望，因為個活動其實係一個莊友既同事搞既，所以好多係果間公司做既人去，而果間公司又專請我間U
grad既人，所以又係班疏堂同學同埋師弟妹，最熟既得幾個同莊既。

好彩都唔駛同班人social，自己小圈子玩都幾好。雖然做好多野唔駛遊船海都做到，好似玩UNO、打牌、唱K咁，不過係隻船度玩又有d唔同。成個Trip最特別既只係玩左香蕉船，Wakeboard好遺憾無玩到，最無聊係上左個沙灘度睇班人玩d無聊野，乜野火燒牛欄、閃避球，後尾仲有班人走左落水度dem
cheer，真係呢．．．都畢左業咁多年啦，仲係咁既，定係因為我同班人唔熟，所以投入唔到，如果係同班熟人去，可能我都會玩得咁低能。

玩完一日，落船果陣個同學仔俾左張請帖俾我地，原來結婚啦，真係好，咁快就搞掂個人生大事，好可惜果日要開會，唔可以早去玩新人。

--
Jason Kwok (\/)@-@(\/)

懶

近排其實都發生幾多事, 不過就懶, 無記低到. 睇番d post, 完來仲爭篇星馬遊未寫, 係要搵日得閒都唔好去訓, 寫埋d 野好, 費事唔記得晒.

--
Jason Kwok (\/)@-@(\/)

1變2

呢幾日屋企多左隻貓, 佢叫小白, 原來係波子個家姐.
點解黎左我屋企就唔知喇, 不過佢就好怕人, 但係又好乖, 唔會咬人, 同波子相反.
唔講既話, 就好似一個係家姐, 一個係細路咁.

panel

衝program

由上個月的20號起到今日，總共舉辦了5個大型活動，而當中最大型的3個更是在這4日內舉行了。幸好，總算衝過了。衝program，的確很累，但亦十分喜歡衝的感覺，就和以前住hall一樣，整班人為著一個共同目標努力，很清析，而且很快便可以看得出成果，回報很快。今日上午終於都完成了最後一個大活動，放鬆了，整個人特別累，但很快又要重投?常工作內，要把擔誤了的工作做好，原來這個感覺還要累。

--
Jason Kwok (\/)@-@(\/)

牙肉痛

好似係智慧齒爭住出黎, 搞到成半邊口合唔埋, 頂住晒, 食唔到好野啦... >_<

--
Jason Kwok (\/)@-@(\/)

Sorry & Thank You

有研究指出, 一個人講Thank You既次數係少過Sorry好多, 唔知你係咪咁既呢?
另外亦有研究指出, 一個人鬧人係多過讚人既, 咁好多人都成日做錯野, 好少做得好呢?

--
Jason Kwok (\/)@-@(\/)

同學

今日做完gym去食飯, 有個人行過黎同我個中學同學say hi, 原來佢地係大學同學, 跟住佢又同我say hi, 仲嗌左我全名,
但係我完全認唔到佢, 原來係小學同學, 佢話我個樣無變過喎. 之後佢講佢個名我知, 我知佢係邊個, 但就真係唔認得. 世界真係細,
我小學同學竟然係我中學同學個大學同學, 哈

--
Jason Kwok (\/)@-@(\/)

首屆Blog Day

原來今日係Blog Day, 即係8月31號, 點解係呢日, 原來因為3108同個Blog字差唔多樣喎

--
Jason Kwok (\/)@-@(\/)

排球

最近轉打自由人，因為厭倦左殺波，而且好耐都進步唔到，所以想轉一轉。

早排練波幾炆，因為d人講一套，做又另一套。

今日比賽得7個人，所以又打番大搥，初頭真係打唔到，好彩後尾都ok少少，不過都係渣架啦。d大人既細路仔脾氣又黎過，好煩。

--
Jason Kwok (\/)@-@(\/)

黃色表演

終於黎到呢日，不過同琴日一樣，一直係咁落雨，無停過。

今日係我搞既第二次粵曲班表演，相比起第一次，呢次真係麻煩好多。最主要係個地點問題，今次要觀眾要坐車去，音響要自己帶，又係咁落雨，而且場地果度又有d阻滯，不過好彩都叫做順利完成左。

到而家，其實都仲未識得分工作俾人做，唔係信唔過，不過可能係怕麻煩人。但其實最終都係好彩有佢地幫手，先至解決既d問題，所以好多謝佢地。

今次出現好多問題，都係因為自己準備得唔好，但係亦都好好彩解決得晒，所以真係上左好充實既一課。

雖然落住雨又要搬搬抬抬，不過d觀眾、表演者同老師都覺得開心，咁都好開心啦。

八王子

早排係書展度買左本廣播劇小說"八王子"，係講八個中學同學廿年前，十年前同而家既故事。成本書都係用廣東話寫既，好配合番個氣氛，好容易就入到戲。而且入面講既故仔，又真係同自己（或者每個人都係咁）有幾分相似，所以好好睇。

好懷念舊時返學既生活，不過而家都唔錯啦。

--
Jason Kwok (\/)@-@(\/)

Tony Jaa

呢個世界真係有時間差，睇呢套冬蔭公，入面既場景角色劇情橋段，都好七十年代既香港。即係好似李小龍咁，成個爛仔，見人就打，係見親人都打，真係俾人打左都唔知乜事。而且d茄呢啡好pro，個個都俾Tony
Jaa筆斷晒d手手腳腳，睇落去真係好似斷晒咁。

另外d大佬都好搞笑，有個會尋仇既大佬，有個坐係火堆度等Tony
Jaa返黎打交既森巴佬，有個經典中國刀佬，仲有個大舊俄羅斯佬，繼個打，就十足李小龍套唔記得乜野，打渣巴果套呢。有幕仲搞鬼，好似Matrix咁，係咁出d嘍囉，俾Tony
Jaa一個一個咁打倒，成5分鐘都有呀。

總之套片好搞笑，我仲笑得好大聲添呀。同班Friend去睇就係呢度好，笑得大大聲都唔覺得尷尬。

--
Jason Kwok (\/)@-@(\/)

貓之寫真

又有相睇：http://www.yskwok.com/cat2

波子

好似會住耐d... 都幾好丫

勁爆

練波打爆人眼鏡，真係唔好彩

欠稿債-遊記兩篇

雖然唔係話承諾左邊個要幾時寫好，不過都想唔記果時先寫，要努力。

不過都係聽日先寫啦

街頭上遇到麻煩的人

1. 行街fing手fing得好勁既人，一唔小心行近少少，都會俾佢fing親
2. 落緊大雨果時，開住把遮行有瓦遮頭地方既人
3. 坐地鐵開門果時，企係門口頂住晒既人

--
Jason Kwok (\/)@-@(\/)

不速之貓

http://www.yskwok.com/cat1

K again

琴日收到阿偉個電話，話今晚又去K過。
我問佢係上次唱唔夠定飲唔夠。
原來係有人話飲唔夠，所以今次死咯。

結果呢晚有成11個人黎到，有大學同學，又有中學同學，仲有一個去旅行識既團友，好多人。

最後剩番7個人，4個醉左。

-------------------------------------------------------------------------------------------------------------------

不過究竟點解要飲到咁醉呢，d啤酒又唔好飲呀。唔知係咪大家工作壓力好大，又或者有d野唔開心，想發洩下呢？

-------------------------------------------------------------------------------------------------------------------

夜晚點幾收到老豆call，都幾弊，因為打得黎搵我即係都有d野，但係班friend又醉成咁，唔走得住，結果搞到兩點幾先走。早排佢又哦我話成日都有假放，應該好好地用d時間，跟住又俾佢知道我"成日"出黎玩，實有誤會啦。想讀書，都要有書讀先得架．．．

--
Jason Kwok (\/)@-@(\/)

得閒睇下啦

http://homepages.ihug.co.nz/~copy-cat/SiuTong/publications.htm

幫手賣下廣告

漫畫節

星期天到了會展的漫畫節，都已差不多七年沒有去過了。今次去的目的不為漫畫，亦不為看女promotor，只因一位小學同學有一個書迷聚會，想籍此去探一探她，同時為她打打氣。

這位小學同學在短短兩三已經出了三本小說，又時碩士生，上過電台接受訪問，亦上過電視（碩士研究），很強。雖不是和她十分熟，一年乜未必會見面一次，平常也甚少傾談，不過就是對她的感覺不錯，和她對話時不會有隔膜。其實身邊也有很多這類型的朋友，平常很少接觸，卻可以交心。

漫畫節和七年前的大大不同，美其名和電玩節一併舉行，實則是漫畫的勢力縮減了不少，會展中只有少部份是售賣漫畫的，其他的是精品、電玩、和攤檔。而且整個會展的主角是女promotor和cosplay，像是一個model攝影節一樣，不過攝影者就甚麼人都有，唯獨沒有女人。

點半到場，入場還算舒暢，但到了二時多，已塞得水洩不通，所以買了同學的第一本小說（市面上只剩餘少量）後，也不能夠等到她，便要離場了。真討厭多人的地方。

最近看完了她上星期才出的新小說，對我某種思想起了些作用，好像開始放低了些東西。

家中一隻貓

呢幾日屋企突然多左d貓聲，（聽我阿媽講電話知番黎既）原來係我阿哥係理工執返黎既流浪貓，好似係岩岩出世架咋，好似係不嬲養開隻流浪大肚貓既BB黎。我阿哥個同事本來話養既，不過佢阿媽又唔俾養，所以係我屋企寄居幾日，聽講話佢地d同事會輪流養喎，都唔知佢地想點搞。
講番隻貓，幾靚架，黑白毛，而且仲好細隻，好得意，搞到我都有d想養貓仔添。

第四天：夜遊牛車水篇

http://www.yskwok.com/singma_18.htm

第四天：牛車水+晚餐篇

http://www.yskwok.com/singma_17.htm

第四天：初到新加坡+花公園篇

http://www.yskwok.com/singma_16.htm

Dayoff

本來諗住出去睇下d野(其實又係公事)，不過因為落雨所以無出到街，呢埋左係屋企又執下間房咁，不過執到一半就停左，走左去訓覺(因為之前果晚玩得太勁，要休息多d)。

夜晚無人煮飯，見無乜雨，所以就拎左部相機走左落街，去左UNY買左盒壽司同樽野飲就行左出則魚涌公園。

點知行到出去又落雨，所以坐係天橋度食左盒壽司，又影左少少相咁。

因為之前果晚閃左好多野，所以無電，又要返返去太古城中心買電。

買完行返出去，停左雨，所以就行到出海旁影相。影左陣又落過雨，呢埋係天橋度都整濕晒條褲，好在相機無濕。

又停左雨之後就行番入太古城，影多幾張相就返左屋企。

咁就hea左一個Day Off。

HK night

蛋

估唔到我會買呢d蛋仔植物，因為通街都係既野我又唔會有太大興趣想要。買，都係因為佢個品種幾吸引。

不如你地估下，呢棵係乜野黎丫。

興趣

由大學時代開始鍾意整紙模型，直到上年，呢個興趣突然間消失左，連雜誌送既都無摺到出黎。唔知點解，可能教過佢整掛。

而家鍾意左擺得意既植物係屋企，我唔敢叫種，因為都唔識種，只不過係定時定候淋下水就算。

下面呢個係行街見到好得意，諗左陣就買左既盆栽。

瘋狂之夜

琴晚中學同學生日，約左8點幾出黎玩，所以放工之後留左係中心度整多少少野先走。

等齊幾個之後就上左去K Dinner，都好耐無同佢地一齊唱過玩過啦。我地去左Red Box，間房又幾大幾靚喎。

呢次出黎玩既同學仔，無左d玩得好癲既人，反而仲有個醫生出席添。佢畢業無耐就有自己的診所，的確幾令人羡慕，不過問到佢個工作時間，又的確令人汗顏，原來自己執業既話就要一星期返6日半工，一年仲得7日大假，印證唔辛苦係得唔到世間財既。（雖然岩岩先買左6合彩，等今晚開）

玩到咁上下，唱K都係滿足唔到佢地，以為第二日要返工佢地會檢點d，原來都係要出動酒水。我平時都唔飲，不過呢d時間就唔會掃興，最多就住。結果緊係好多個都貓晒，玩得好high。我就好頭痛，但係就好清醒，即係要計數都仲計到果隻。有時都幾羡慕d人可以飲到醉，乜都唔知，乜都唔諗。我就唔得，飲到頭痛就要停，去唔到果個地步。

最精彩居然係玩到掟蛋糕，呢個真係估唔到，照計應該反面，不過又真係好fd既，所以都係鬧幾句，話會報仇就算，唔會搞到好唔開心咁。

好耐無咁hea，好耐無咁喪，不過就未試過嘔三次咁多（嘔晒出黎幾好呀），所以呢d咁既聚會，都係一年半次好啦。

好彩今日Day Off，唔駛返工o者。

小小大發現

星期三做Gym，出奇地累，已經無跑步熱身，但係都手軟腳軟咁，好勉強咁做左個半鐘。

做完之後落去food court度食野，無乜野好揀，所以我地四個人都買左同一款野食-類似日本定食既套餐。

個餐盒係有一格格果d，拎到番黎，食左粒沙律之後，見到有粒蟲仔係個格同格中間條野度行過，咁咪禁死佢囉，都仲可以繼續食既。不過望真d竟然發現唔只一隻，仲有一堆，仲結埋網添，即刻停晒手同啞晒。

拎番去同佢講話有蟲，佢又無乜反應咁話”換過份啦，不過無呢個啦喎，你果個幾錢呀？”我都無佢咁好氣，換乜都好啦，淨係唔想換蟲。

結果換左個貴十蚊既二人拉麵俾我食，都唔好味，又食唔晒，不過算。

思念

本來這個多星期已經想得太多，幸已習慣，無甚大礙。
但小學同學的新書竟又與此有關，為此心情又再有些起伏。
昨日其師弟亦突然談及她的威水史，真是巧合。
要將我帶回困局嗎？

專一？

琴晚排球友誼賽，好冇狀態，守波還好，扣球真係免提。

都唔係第一次係咁，所以都得出一個結論，就係壘球打得好時，排球就打得差，vise versa。有冇辦法唔係咁呢？

時間緊迫的星期六

久違了的壘球比賽終於在久違了的天光道球場再度舉行，本想在這天放假以應付這場比賽，而且小學同學出新書，在會展有個聚會，有時間亦想和他會一會面。

可是卻偏偏遇到突如其來的會議，打亂了預算。比賽4:30開始，聚會2:30開始，會議2:30開始，即是一定不能出席聚會了，而會議可以在一兩個小時內完成吧，在會議後請假也應可以趕及比賽，所以一早和主任提出要求，但仍需看到時情況而定。

結果前來開會的機構遲到了，3時多才開始會議，幸討論得也算快，內容亦不太特別，所以得主任批準提早離場。所謂提早，其實都已經4點二，所以便立刻衝上的士，在沒有塞車的情況下，於比賽前五分鐘到達。（原來很多隊友都是剛到:P）

雖然沒有熱身，但表現也不錯啦，最終球隊也取得了勝利，不枉我趕到來。比賽後來個小型的team function，吃晚飯看電影，很好的一天。

未完的遊記

好多天也沒有寫過，但總有一天會完成的

STOP

該到此為止吧，做得到嗎？

夏日炎炎單車遊

今天約了四個中學同學一同去踩單車，本來說了會帶一些女性朋友去，但結果一個也沒有。亦因為沒有女性，所以今天才特別精彩。

今早還訓得矇矓之陣，聽到收音機報道今天最高溫度達34度，心知今天一定不好受。在大圍吃過早餐後便起程出發，大陽很猛，幸好昨天買了一頂帽，所以不怕。根據他們的經驗，dup頭車較好，但只得3部，唯有另加2部"正常"，而我那部是dup頭的。因為都很久沒有踩過單車，起步時像初哥一樣一仆一碌呢。

結果整天由早上10時半踩到下午4時半，差不多用了共6小時，由大圍途經大埔踩到大尾篤，再回程到大圍。從未試過踩單車踩到抽筋，今天差點嘗到了，完成旅途後落地時，雙腳也撐不直，怕會抽筋呢。

大熱天時還做這麼多運動，沒有年青的衝勁也做不到呢。哈，我們還年青呢！

相片分享：http://www.yskwok.com/hot_bike

--
Jason Kwok (\/)@-@(\/)

--
Jason Kwok (\/)@-@(\/)

旅行後遺症

去完旅行都成兩個幾星期，但係好多旅行後要做既野都未做晒：
- 要分好晒d相佢啦，要每張相加番d題目啦
- 要寫遊記啦
- 要pack好旅行帶番黎既紀念品啦

有咁多野搞咁耐，其實都幾好玩，就好似個旅行仲未完咁，好正。

--
Jason Kwok (\/)@-@(\/)

第四天：離開馬來西亞篇

http://www.yskwok.com/singma_15.htm

第三天：馬六甲之夜篇

http://www.yskwok.com/singma_14.htm

第三天：花車+唔知乜野古蹟篇

http://www.yskwok.com/singma_13.htm

第三天：前往馬六甲篇

http://www.yskwok.com/singma_12.htm

第三天：Sunway Lagoon篇

http://www.yskwok.com/singma_11.htm

大肥羊, 咩, 小肥羊, 咩咩

今晚開全體職員大會，成個機構差唔多四百人去左，不過好似好多都係職工級員工，文職員工好似無咁support喎，我去都係因為被"鼓勵"去咋。

個會七點先開始，不過六點半度就差唔多無位坐，好在無啦啦有幾個後座，先唔駛做先頭部隊。聽左阿總監講左幾句，知道有得加薪喎，正；做多幾年無乜差錯就有轉長工，仲正。本身對個大會都無乜期望，聽完又覺得幾好喎，雖然都係有d野解決唔到，但係對個前途信心好似大左。

開會之後同唔同部門既同事（我諗咁樣既配搭，係其他地方做野都幾難見到，尤其係大老細都係度）去左食晚飯，終於試到鼎鼎大名既小肥羊。因為有d人唔食辣，有d人唔食羊，所以坐果時都要慢慢分好先。

之前成日睇網頁話邊隻羊肉好食d，邊隻無咁好食，不過黎到又唔記得，淨係記得叫個肥羊粉。結果係個羊肉組合度搵到好食果隻，真係好好食，浸完辣湯底仲惹味（個湯底本來好多辣椒，但bud下bud下bud晒落隻碗度，所以最尾個湯底係唔辣既）。個肥羊粉都好得意，煙煙unun咁又好彈牙。埋單百零蚊，又唔算貴喎，可能嗌得少肉啦，不過肉以外既野都好好食，好似芋頭蕃薯咁。

最尾落左去樓下食意大利雪糕，都係第一次食，有得試食既，試過又幾好食，d味好真啦，所以都坐低食左杯。

其實今朝食左個好豐富既KFC早餐（少左個鬆餅呀>_<），晏晝又食左個套餐加支雪條，夜晚又食得咁好，好滿足既一日呢?

女排大獎賽

上星期日單拖去了睇女排大獎賽，自問不算是甚麼球迷，所以只買了最後一天的票。也因為只買一場，我買了二百元的票，票上寫著坐第十行，原來即是看台上的第二行（台下另外有八行），好近啊。

第一場是德國對多明尼加共和國，不算精彩，但十分緊湊，尤其是多明尼加後來居上後信心爆棚，表現突出。

而第二場是意大利對中國，兩隊都是爭取香港站冠軍的，所以應該較有看頭。可惜中國隊找不到可靠的主攻手，相反意大利的9號卻頻頻得分，結果意大利3:0獲勝。

和往年一樣，看得不到半場便會頭痛，可能是環境太嘈，加上人多，空氣不流通所致。坐在我身後和身旁的更擔任即場旁述，雖是亂up，但他們身旁的朋友卻聽得津津入味，難怪徐家樂可以做到今日啦。

相片分享：http://www.yskwok.com/volleyball

--
Jason Kwok (\/)@-@(\/)

第三天：雲頂黎明+藥油鋪篇

http://www.yskwok.com/singma_10.htm

第二天：雲頂之夜篇

http://www.yskwok.com/singma_9.htm

第二天：上雲頂篇

http://www.yskwok.com/singma_8.htm

第二天：雙子塔+午餐+錫器廠篇

http://www.yskwok.com/singma_7.htm

第二天：博物館篇

http://www.yskwok.com/singma_6.htm

第二天：肉骨茶早餐+皇宮篇

http://www.yskwok.com/singma_5.htm

唔記得post相添

http://www.yskwok.com/singma

第一天：吉隆坡塔+酒店篇

http://www.yskwok.com/singma_4.htm

第一天：星光大道篇

http://www.yskwok.com/singma_3.htm

第一天：數碼城篇

http://www.yskwok.com/singma_2.htm

第一天：起程篇

http://www.yskwok.com/singma_1.htm

星馬五天遊記

不日發佈

深圳遊後記

老實說，沒有怕過回不了香港，怕只怕此事給同事朋友家人帶來很多麻煩和擔憂

身邊有很多朋友，在這次事件都幫了很大忙，不論是同行的，或是在遠遠的，我都十分感激他們

滯留在深圳的期間，在電視中學到一句英語：「A friend in need is a friend indeed.」

I have many friends.

難忘深圳遊

星期六放假的，但朝早仍是回了中心辦理一些事。放假回中心做事，好像都已經成為習慣，沒甚麼大不了，同事亦看慣了。因為約了朋友在二時多在柴灣等，所以和同事吃過午飯才離開中心。

因為朋友遲來的關係，我在附近逛街的時候看到有一間康泰的分行，所以走了入去先取茶會的資料。然後我們一班人到了銅鑼灣驗血，這?是其中一位朋友介紹來的，他是醫務人員啦，所以他認識診所的人。我們都覺得他很威啦，到處也有人識他，我們說笑的他應該出一張專用咭給我們方便。

驗過血後，乘地鐵到九龍塘會合朋友的女朋友和女朋友的女朋友，我們都未見過這兩位女子，其中一位朋友也不知道是否十分緊張，期間語無倫次。會合過後，一行八人，五男三女一同北上。

過了羅湖，時間尚上，所以先到保齡球場打保齡。而因為需要等候的關係，打了幾球乒乓球啦，二對二，因為大家都太耐沒打，而且地面滑滑的，打得笑料百出，沒料到再晚些的打一場更加精彩。

打保齡時，如常的all or nothing，有全中，亦當然有更多的落坑。旁邊球道的都是高手，然而他們都十分搞笑，動作搞鬼之餘，其中一個保齡球更加設計成足球的模樣呢。

運動過後，便行到一間名叫"巴蜀風"的餐廳用膳，這?是專吃辣的。可是因為有些女士不吃辣，所以只點了一兩味辣的。我們叫了七八個菜，名字不太記得了，不過都影下了相片。總括來說，辣的和不辣的都好吃，甜的最難吃。

吃飽後繼續運動，因為四個四個，所以一半去了打桌球，一半去了竹戰。因為三位女士都不打桌球，所以竹戰那邊是三娘教子，我便是那個子了。理論上，我經驗比她們豐富得多啦，砌牌數牌計番都是我最快的，然而賭博這回事，根本就未必是一加一等於二，三圈過後也沒有胡過啦，雖然只是出沖了一局，但她們自摸這自摸那，也夠我輸。幸好只是娛樂性質，輸了廿多元而已（還未付呢）。但這晚也奇怪的，居然忘記了取牌的方向...

然後其中一個朋友來打救我，我便轉陣去了打乒乓球，繼續二打二。比賽戰況十分激烈，左穿右插，前扑後碌，驚險百出，加上北上渡假的心情，十分好玩。

最後埋單找數走人，坐夜的去按摩，和以往一樣。

第二天睡到十二時多才離開，可是一出外，便下起大雨來，令我們立即要找個地方躲雨。幸好只是過雲雨（雨後的景色也不錯呢），隨後便行到去一間腸粉店吃午餐。這?的腸粉不好吃啦，朋友叫的木瓜奶汁竟發現不到有奶，可能是叫做奶汁而不是奶的關係吧。

在離開的時候，突然發現銀包不見了...

往後發生的事，也沒有甚麼心機去記，只記重點吧：
- 有幾位朋友在不知情的情況下，去了另一個地方玩。這樣也好，不致影響他們美好的假期
- 另外的幾位朋友陪我走回頭路看看有沒有掉下，直到按摩那?也沒有
- 乘車到最近的警局報案，竟發現星期日沒有辦公，而且我們被警衛駒散
- 乘車到羅湖警局報案，問過做警察的朋友，大抵也明白如何去做
- 報案後知道需要最少要逗留到星期二，所以朋友都將身上的錢給我，並買一張電話咭，以便聯絡
- 和家人聯絡後，他們該晚來了接我，並表示有一位表叔（公安）可以幫我
- 致電部門主任取假
- 因星期三便去旅行，致電旅行社查詢遺失身份證是否仍可出境，旅行社表示沒有問題
- 該晚在表叔家過夜，第二天早上去辦手續，表叔替我出頭爭取到即日有證取，那刻忍不住哭了
- 等了半日，終於排到辦手續，局員卻發現打不到我的名字，所以找不到記錄，要求我出示回鄉咭號碼，所以致電了給同事幫我查，但找不到。幸其後局員找到我的記錄，等到五時多，終於取得一次性出境證，然後便立即回港。
- 過關後，致電部門主任和好多個幫過我手的朋友報平安
- 即晚到了智能身份證辦事處，希望可以造證，但不果
- 問過辦事處主任確定以特區護照仍可出境
- 然後亦立即去了上堂（雖遲到）

P.S. 星期三有一位黃生致電到中心及家中，表示拾到我的銀包，然後住在深圳的拉叔替我取回，所以不用補取身份證（因未報失）。但這都是我到星馬旅行時發生的事，所以是回港才知。

回來了

上星期只有一天在港，分別回了深圳和去了星馬。很特別的是，由深圳回港時，十分掛念家中的床；由星馬回港，卻十分留戀外地。

DUCK DUCk DUck Duck

懶蛇

近排懶懶地，成日都想訓，除左唔想做野之外，係呢度寫野都少左。

不過黎緊幾晚又好充實啦，今晚練完波，聽晚又練第二個波，後日又健身，大後日同大大後日又返大陸，大大大後日又上堂... 死！！未做功課添，聽日食lunch果時搞掂佢先...

小心提防

有說：要珍惜讀書時候的朋友，因為當你踏入社會，便很難結識到真朋友，而且很多小人，要處處小心提防。

現在都算踏入社會一年多，都見過不少人，有些真的要提防。一是提防小心講錯野，俾人聽到或者傳左出去；二是小心俾人洗腦，唔好太易相信人地講既野。

好在而家做緊既係一間社區中心，d人都（應該）好d，有唔少同事都真係做到朋友既（講緊你地呀）。

不過要防既始終都要防，尤其係對住唔太熟既人，都係小心d好：講少d，信少d。可能都有d副作用，不過都好過中陷阱。

上堂小記

• 教書是卅多歲的肥仔，講書都幾好，我然可以頂到成堂無恰眼訓
• 上堂休息果時播流行曲
• 好似好多人都係未做呢行既，同埋有幾個高齡人士
• 派功課果時，好多同學都湧晒出去逼，好似係中心咁
• 有一個同學好得意，講野好有攻擊性，好似好火滾咁
• 學番識既野，覺得好巴閉咁
• 學到唔識既野，好有得著咁
• 交左兩份功課都收唔番，好過份

SHY FRUIT

曾經愛過的

上星期的一個夜晚，聽著電台的主持人說，一樣東西，你曾經渴望得到，但當時因為一些因素而得不到；到了今天，你有能力擁有的時候，你還會否希望得到？得到了，你又會否珍惜？

真有意思。

怕羞草之生長過程

都已種了怕羞草一年多了，開花結果也試過，總算有些經驗，在此分享一下。

播種期：
將買回來，或結果後的種子，放進濕潤的泥土?，約深一厘米。

幼苗期：
一開始，它會長出兩塊圓形的葉子，它不怕羞，你怎樣弄它也不會躲起來。

成長期：
開始長出怕羞的葉子，初時是一對一對的出現，而每一"套"葉子只有六塊小葉。

成熟期：
葉子是兩對兩對的出現，然後會不定期的長出貌似菠蘿的花lum，但是綠色的。

開花期：
花lum會透出粉紅色的線條，然後像煙花一樣放射出一條條粉紅色的花蕊。交配的方法是將表面雄蕊的花粉傳到內?的雌蕊（我用的方法是用陰力捽）

結果期：
成功"受孕"的話，雕謝了的花並不會掉下，在花蕊中會發現到一片片綠色的，這些便是果實。當它們長大並成熟後，便會自然掉下，這些便是種子了。

註：
1. 每天只需保持泥土濕潤便可
2. 當冬天來到時，葉子可能會全都掉下，但保持泥土濕潤，到春天時，會有幼苗從枝幹長出呢

不同世界

前幾日，跟朋友去了一個私竇浦。

見識過了，不適合自己。

還是簡單的生活算了。

不過原來玩得激的人，也有不乏成功人士，從他身上也學到些東西。

老友相聚

端午節翌日，應節地去了石澳游龍舟水。炎炎的夏日，太陽居然躲懶去了，整天也只是陰陰的。好是好，不會曬得一身汗，但很是沒有氣氛呢。天很陰，所以水也很冷，浸過身，玩過常被風吹走的沙灘波一會後，會走上沙灘曬太陽和玩撲克。

四個人玩，輸了的要做掌上壓。受過三年宿舍"十鋪"教育的我又怎會這麼容易輸，抱著輸少當贏的心態，結果應該是我做得最少，亦未被人炒過；輸得最多的一個，相信也做了百多下了。

就這樣，在沙灘上渡過了一個下午。乘車回筲箕灣，重訪中學時的一間舊食店。這店改變了不少呢，由當日的一間小鋪，變成現在的一間茶餐廳，一間會賣Cupacinno的魚蛋粉鋪，利害利害。吃過魚蛋撈粗，很好吃，魚蛋彈牙有魚味，撈粗並不會太咸，但卻有一種香味，吃了亦不會覺得口渴。

之後到了同學家中竹戰，四圈在歡笑聲中完結，有些斬獲。然後吃過自家製的雞蛋豬肉糯米粽，喝過A湯（可選B湯），看過掌門人，便歸家去。

途中看著自己的手，紅卜卜的，又變黑人了。還以為去完星馬才會，怎料提早了。也好，黑了便不會太怕到時旅行才曬傷。

社工？

今天問一個剛相識的人，我做甚麼工作，他居然說我像社工！？

是嗎？我從來都未這樣想過會有人這樣說，就如曾經有人說我像大哥，說笑吧！

雖然現在我還不是，但是意味著我的將來嗎？

不過我相信現在所行的路也不錯，繼續向前行吧！

續-麻煩的中樂隊

中樂隊是柴灣中心的鎮"店"之寶，成立10年，己到過不少地方表演和交流。雖然已調至柴灣達半年，但都很少和中樂隊接觸，但都聽聞過很多關於他們的事。從旁所看，亦已覺得他們是一班高人，難以接觸。

因為同事的離任，加上他們的表演將至，所以"有幸"擔任音響一職。合作過後，充份體會到同事的艱辛，和隊員相處的難處。綵排甚至表演時都覺得和他們合作很難，更有幾次暗自地發脾氣，然而過後回想，其實亦發覺沒有放在心內，可能都只是小事一椿吧，所以現在要回說為甚麼生氣，亦不懂得說了。

無理怎樣也好，以後還會有合作的機會，希望這次是步向更好的一步，是個好開始吧。

不知所惜

原本有這個空間，是因為自己少用說話向人談自己的生活和感受，所以利用文字去分享給身邊的人。

但突然發現有很多人在看，反而有些緊張:p

P.S. 多謝你們在看

家課

唉?這天是交功課的最後一日啦，還未寫好。雖然導師已聲明不會計分，但總覺些壓力，要對自己負責吧。其實不是沒有材料去寫，只是寫的時候總會投放太多的個人感受，好像不太好。

這是題目：
假設你正投考一份福利工作員工作，試以文字表達你對安老服務的興趣，以及為何你想從事該類安老服務（如長者中心、院舍）的原因。＜約四百字＞

即是寫一篇求職信，太formal了，和我不襯。

但... 還是要寫呢。努力吧。

多事的兩天-中樂

今次由昨天說起...

但太夜了... 明天再說

多事的三天-露宿者

先由前天說起...

其實一直以來，都有一名流浪漢（算是處於壯年的大舊佬）走到中心坐和看電視。而因為他身上面發出一陣異味和酒味，對中心會員都帶來滋擾。但中心都盡量採用較容忍的做法，在不太影響其他人的情況下，都會讓他逗留一會。都和他接觸過，知道他叫阿球，露宿者來的，所以有時他會要求我們給他一些食物。這天下午他又來了，主任和他談過，都叫他找社會福利署尋求援助，然後給他一些食物和飲品便打發他走了。在當晚中心開飯時他又來了，並說謊主任應承了給他可以在此吃一頓晚飯，我們當然沒有給他吃，亦只是給他一些餅乾和一杯水他，並說已是最後一次，要求他另覓援助，但他居然在我行開後，到飯堂私自將中心正飲用的湯倒到自己的杯中，亦將倒多了的倒回湯中。此舉真是忍無可忍，我們立刻直斥他的不是，並"請"他立即離開中心。

然後到昨天下午，他又來了，並帶了幾罐啤酒來坐。所以我又立刻捉住他談，說他影響到中心會員，而且中心是不許飲酒的，所以要求他離開。他居然發爛渣，說他一定不會離開，離開正衰仔，還叫我們報警。通知過當值職員後，先疏散中心會員到其他房間，然後再報警。期間他不斷不耐煩地親自找電話報警捉自己，但他又說不出中心地址-_-''。最後警察來了，並帶走了他。

今早警察亦有來巡查，問花仔有沒有來。原來他叫花仔，警察都很熟悉他。而到了下午他真的又來了，然後報警後亦由警察帶走了他。

其實他沒做甚麼大件事，亦很難將他趕絕。他時常來滋擾當然是很麻煩，尤其是和他"反面"後，他應該會來得更密；另一方面更擔心的是，中心同事的人身安全啦，他真的甚麼也敢做，但我們現在又沒有甚麼可以做到，真是要小心些。

新力貓：「鴨仔，我地一齊向前望啦！」

Close up of 新flower

怕羞草最新狀況

經過人手交配（用手捽朵花），係朵花謝左幾日之後都未跌落黎既話，根據以往經驗，應該會結果啦，而呢邊又開花，另外仲有幾個花lum添，勁?

充實生活

大學畢業後第一次再讀書，係一個關於我份工既一個短期課程，為期一個月，五堂。今日放工之後去左上第一堂，同其他同學完全無交流呀，真係好唔同以前讀書，仲以為會識到一兩個人，諗過點social下，點知都唔駛。不過課堂講既內容都係預期之內，所以都覺得幾實用。第一堂雖然係簡介，但係都令我了解到更多自己工作既環境，幾有幫助；另一方面講到自己熟悉既事果時，又會暗自覺得自己有些了不起。而這個星期要交功課，但應該問題都不大了，都是寫寫自己的感覺而已，但想到要再做功課，總覺有些不自在。

今天和已離職的前同事傾談，談到她的新工作，加上這晚導師對敝機構的欣賞，又感到自己真的幸運在這?工作。而且結交到一班有趣的同事，真是不錯。

而由這天開始的一個月，星期一上堂，星期二做Gym，星期三練波，星期四做Gym，星期六/日比賽/做Gym/玩，頗充實呢。

星期天

平時星期日是不用上班的，今天卻例外，因為要回中心開會，討論在意見調查後所見的問題如何可以改善。可是我今天有比賽呢，是東區的排球比賽，已打入八強，今天要完成餘下賽事。第一場是九時正，卻偏要開會，所以未能出席；如贏了，第二場二時正開始。會議原定時間為九至一，如常地，會議一定超時；如常地，我也發表了少許意見；不如常地，我竟大膽地提出早走；幸運地，亦批准了。

其實都等到等無可等才提出，所以時間十分緊迫，要坐的士趕到球場。幸好也有些時間熱身，亦幸運地贏了準決賽，然後正常地輸了決賽，得了亞軍，而我亦搶走了獎杯，哈。（個獎牌好大塊，好似乾蘇餅咁大）都好耐無拎過獎，安慰下都好。

set of key chains

Sony Cat 5

Sony Cat 4

Sony Cat 3

Sony Cat 2

Sony Cat

洗錢大出血

呢兩日俾左好多錢呀，差唔多成個月糧啦。

星期六終於都加入左舒適堡，兩年三千五。其實都幾巧合，呢頭係地鐵站見到做緊宣傳，百八蚊個月，都叫平左，有少少想報名之際，打排球個隊友打電話黎話另一個隊友都想加入，所以可以報一拖二果個計劃，每個月一四五，就係咁樣就加入左喇。

然後都落實左報團去馬來西亞，全包三千四。咁就差唔多用左七千銀。因為咁岩去開旺角，所以又買左對新排球鞋（遲些少要買埋壘球鞋），又行下街睇下有冇得買一套好得意既公仔（同事話好鍾意喎，咪睇下有冇囉），點知搵唔到，但係就搵到隻好想買左好耐既新力貓，毛公仔入面係有鐵線既，可以擺好多唔同既”報紙”架。然之後確認左同事都好想要果套公仔，所以我就買左喇，當係送俾佢地（我諗有幾個人都想要）開心下啦。

準備旅行

又計劃去旅行喇，今次亦都係同大學既莊友去。上次就兩男一女，今次就一男兩女（有另一個男放唔到假），不過無所謂，因為呢次跟團，有機會識其他人:P

本來都諗住自由行架，不過價錢貴d之餘，行程都幾難plan下。都未講目的地添，今次去星馬，其實都唔係太鍾意，因為都幾城市化下，想去d特別d鄉土d既地方。有諗過去越南，不過又有禽流感，自己唔係太驚，但屋企人都會擔心。不過都係是但啦，難得約到人一齊出下門，一齊hea下，去邊都無所謂啦。

係有d野要準備先，就係借部靚d既相機啦，借多幾張sd咭啦，可能借埋部DV啦，因為好想影低成個旅程呀，成幾千銀喎，影低左第時都有得回味麻，底d。

港式

因為放半天假的關係，所以到了筲箕灣天悅處理社交舞班的表演服。已造好版，但不太合心水，要將同學的意見反映給師傅，而又要表達得好聽，真難。

談判好後，已到午飯時間，適逢到了這?，便去了中學時偶然又會去的一間日本餐廳吃飯。點了一個午市特價飯－咖喱豬扒飯。炸豬扒好吃，彈牙而又不難咬開；咖喱也不錯，但不是想像中的日式咖喱，日式的應該是甜的，但這?的卻是辣的，不過港式小本經營是這樣的了。

又開花了

移植

鴨仔盆栽 ^^

鬚根

生長得好茂盛呀

重生

一棵曾經以為枯死的盆栽，
在經過不離不棄的灌水後，
終於在今晚準備好開花，
期待再結果的一天。

Lucky之延續

真係俾我抽到三眼仔呀！不過就抽多隻牛女先抽到，都好好運架啦。
另外抽隻Hello Kitty俾朋友，咁岩橙色我又鍾意喎。

美食之日

其實也不算是甚麼大不了的美食，只是比平時花多些金錢在吃

下午因為要到總會開會，所以早些到了尖沙咀的新港中心看看有甚麼好吃。轉了幾個圈，選了元八拉麵（醬油湯底）。味道沒有特別，叉燒也是一般，可幸湯底不太濃，喝清了也不口渴，而且拉麵夠彈牙，夠咬口，也算不錯。

然後晚上經過中環，下車看看。經過泰昌，已經關鋪了，未試過它的蛋撻和沙翁，感到有些可惜。再行前些，發現原來蘭芳園在這?，於是走了進去試了著名的薑蔥雞扒撈丁和凍奶茶，又是有些失望，薑蔥撈丁是個新鮮的配搭，但不太喜歡有太多薑，而且份量很少；凍奶茶還不錯，很有茶味，其中特別的是其中兩粒冰是奶茶雪成的，但其他冰只是清水，所作用不大，只是噱頭。最後外賣了個著名的牛利包，這個真是要讚，包面焗過的，有些爽脆，夾著蕃茄和沙律醬，牛利有肉汁和嫩滑，一口咬下去，各個配料混在一起，十分滋味呢！

Woody & Buzz

好好彩呀，第一個就抽到Buzz，第二個仲抽埋Woody，最好下次抽埋三眼仔

失戀應該傷心？

未有得戀時，沒甚麼大不了
相戀時，應該是開心到不得了
失戀後，只是回到未戀時，為何要弄到自己不開心呢？
是人太貪心吧！不甘心失去賺回來的快樂。

然而，當你看淡失戀，
再也不覺得是一回事後，
會否不再重視戀愛的珍貴呢？

懂得自我安慰也不算好事吧，
那麼當失戀時，
便由得自己盡情傷心吧，
因為這樣，
才代表你真的曾經愛過，
你的感覺還未死去呢！

該慶喜自己還活著。

又大一歲

好多野想寫呀，但係一直都提唔起勁寫添，今次一定要寫好?
可能因為icq入個都無寫到幾時生日，所以應該都無乜人記得我生日。（well...就算有寫都無乜人會出聲:P）不過無所謂啦，生日前後果幾日都過得好開心。

14號打softball festival，四強雖然輸左，但係都叫做拎左個第三/四，算幾勁架啦。然後果晚同中學朋友仔篤波（←我好屎波）打邊爐。終於都試左有骨氣，因為個朋友有中銀咭，所以$88任食，的確係唔錯既，豬骨煲好食、水晶叉燒飽又好食、粉皮又好爽，不過雞子都唔好食既，以後都唔會試。然後去左世貿打機，都好多年無去過啦，屋企仲有廿零個coins，有排都唔會用，做硬歷史遺物。好可惜，呢晚就開始病啦...

玩完返到屋企都仲係咁流鼻水，好難得先訓得著，不過都訓得唔好，兩點幾訓，訓左3-4個鐘，6點零就醒左，頂唔順走左落街買藥食。平時我都係慣左"牛"好佢，不過今次真係頂唔順。之但係，呢兩日都full晒節目，九點鐘要入到沙田打排球區賽，所以都無再訓到，淨係係度包下雲吞咁，跟住就死左出街喇。

打波打左一局，係後備換出去既，換左個幾黑人憎既後二，成日持住自己高，好勁咁，就睇小其他人，果日佢狀態唔好，所以換走左佢。後尾佢仲死撐話唔應該換佢走，真係激死人。打完波，食埋野都仲早，約左班同事呢兩日去樹屋宿營，其中有一班就1點買野，不過都未夠鐘，所以就到左火車站之後走左入去M記睇免費雜誌。終於等齊人買齊野，率先第一隊到樹屋探險。

---

果晚營火會先知原來呢樹屋田莊係個同事以前開既，之前淨係知道佢係度做過，所以佢推介我地去，估唔到原來係佢同幾個朋友夾份開咁勁，間樹屋呀，個池塘呀都係佢地一手一腳整出黎。

---

因為掛住影相，所以一開始就走失左少少:P。擺低d野之後就去參觀第一個景點－樹屋。一行三人"束"一聲就徒手爬左上去，個樹屋設計簡單得黎幾有味道。後尾其他人黎到，我地係上面望番落去幾得意，高高在上咁，都有兩三層樓咁高架。離開間樹屋唔駛爬番落去，而係可以好似消防員咁用條柱sir落去。睇落去個感覺得都幾驚下，雖然有做安全措施，不過個個輪到佢果時都要擾攘一輪先肯落去，我都係:P。

之後去左玩拉艇仔，即係好似大澳果d拉條繩過河果隻，其實無乜特別，平衡到，控制到個重心就得，不過有幾個人係呢度濕左身。然後玩左陣攀石、打左陣排球、係幅田度割左棵生菜...

果晚燒野食，無乜胃口，應該係因為個鼻，已經流左成日鼻水啦，淨係食左dd野同兩塊好好食既蜜糖麵包。之後搞左個好小型既生日會，對象係三個5月生日既同事，包括我。其實之前都知會有野搞架啦，所以無乜驚喜咁啦，但係收到份禮物就好鍾意，原來俾人地知道自己鍾意d乜野係幾好既。（有時我知道d朋友鍾意d乜野，行街果時都會留意下，有時都會買俾佢地添）

以前營火會通常都好少可有火，最戇居係堆晒d光管電筒扮係火堆，今次唔同，真係有火，仲係燒木頭既大火，有feel到爆。即場仲有d印地安人既服飾著上身，又有得畫臉，跳下營火舞，又用個營火焗左個大麵包，再有個小小既分享會（我好感觸咁講左幾句心聲，haha），咁就過左第一日。

果晚個個都唔捨得訓，坐晒係間好細既屋仔度，傾下無聊野咁。可能因為開左冷氣既關係，電壓唔夠，搞到好多地方都唔夠電著燈，有段時間成間屋都黑晒，好彩我份禮物識得發光，都算係幫到下手咁。

到左第二日，好"正常"咁九點度起左身，但係個人真係散晒，個鼻仲未好番，係屋外面行左個圈之後就返左去繼續訓。訓到咁上下有野食，食完又再訓過。結果訓到佢地走人先起身啦，所以無去到睇貓頭鷹呀，土著d草屋咁。Anyway，訓完都精神d，坐番車出火車站飲埋茶就散band，返到屋企就緊係再訓過啦。

就係咁，生日就咁訓過左喇。