小小大發現

星期三做Gym，出奇地累，已經無跑步熱身，但係都手軟腳軟咁，好勉強咁做左個半鐘。

做完之後落去food court度食野，無乜野好揀，所以我地四個人都買左同一款野食-類似日本定食既套餐。

個餐盒係有一格格果d，拎到番黎，食左粒沙律之後，見到有粒蟲仔係個格同格中間條野度行過，咁咪禁死佢囉，都仲可以繼續食既。不過望真d竟然發現唔只一隻，仲有一堆，仲結埋網添，即刻停晒手同啞晒。

拎番去同佢講話有蟲，佢又無乜反應咁話”換過份啦，不過無呢個啦喎，你果個幾錢呀？”我都無佢咁好氣，換乜都好啦，淨係唔想換蟲。

結果換左個貴十蚊既二人拉麵俾我食，都唔好味，又食唔晒，不過算。