船海

係一號風頭吹襲之後，帶黎不少風雨，難得一日無落雨，就咁岩去左遊船海。

本應係叫做幾lucky既，日日都落雨，唯獨呢日咁好天。不過見到班同行既人就真係幾失望，因為個活動其實係一個莊友既同事搞既，所以好多係果間公司做既人去，而果間公司又專請我間U
grad既人，所以又係班疏堂同學同埋師弟妹，最熟既得幾個同莊既。

好彩都唔駛同班人social，自己小圈子玩都幾好。雖然做好多野唔駛遊船海都做到，好似玩UNO、打牌、唱K咁，不過係隻船度玩又有d唔同。成個Trip最特別既只係玩左香蕉船，Wakeboard好遺憾無玩到，最無聊係上左個沙灘度睇班人玩d無聊野，乜野火燒牛欄、閃避球，後尾仲有班人走左落水度dem
cheer，真係呢．．．都畢左業咁多年啦，仲係咁既，定係因為我同班人唔熟，所以投入唔到，如果係同班熟人去，可能我都會玩得咁低能。

玩完一日，落船果陣個同學仔俾左張請帖俾我地，原來結婚啦，真係好，咁快就搞掂個人生大事，好可惜果日要開會，唔可以早去玩新人。

--
Jason Kwok (\/)@-@(\/)