狂歡聖誕夜

咁多年聖誕, 今年最多節目,

24號開始放假, 雖然hea左個晏晝,

不過都有fd陪既,

夜晚打左個小肥羊邊爐,

之後去左飲野, 唔覺唔覺就過左個平安夜,

聽到人地嗌先知原來咁就到左聖誕.

 

聖誕節果晚就一早應承左去個fd搞既party,

因為有好多唔識既人會去,

所以都幾期待會識到d人.

結果玩就好玩, 不過始終係呢種場合識既人唔係太適合自己,

係有少少失望既, 不過都ok啦,

聖誕節可以玩得咁癲,

成班fd去, 醉左3個, 好瘀呀, haha.

 

跟住兩日既活動終於都健康番,

boxing day 同同事去左香港仔燒野食,
雖然有成6個人甩底,

剩番8個人,

不過都好玩,

又有得交換禮物.

 

不過份禮物之後就轉左手,

因為燒完之後都仲可以趕到下一場,

出席小學同學既聚會.

陪佢地食左餐飯之後,

上左間樓上cafe飲野(non-alcohol),

傾下計咁, 然後交換左頭先抽番黎份禮物.

跟住又覺得唔夠喉,

約埋星期五出黎打邊爐.

 

27號last一日假期,

同左大學班莊友打麻雀(因為有人遲到, 打得兩圈都無, 好無癮),

之後唱tea k, 交換禮物(用琴晚果份, haha),

食自助餐同睇harry porter,

玩到好累好累,

咁就結束左個假期, 好"充實"

 

Jason Kwok (\/)@-@(\/)