新年快樂

首先恭祝大家新年進步, xxxx, xxxx, xxxx, etc (雖然唔知點解要到大時大節就要講咁多呢d野, 平時都講得既o者)

 

其實岩岩至玩完返黎, 但係玩得好精神下, 都未係好有睡意. 當然, 一上到床咪埋眼應該都好快訓得著. 既然未想訓, 咁就寫番低d野先啦.

 

其實今日(31/12)都唔係好夠精神, 主要原因當然係要返工啦, 仲要係成日, 前晚仲要去左打邊爐呀聚舊咁, 搞到2點幾先訓, 所以本身都無諗過今晚會出黎玩, 因為知道佢地又係出黎唱k(即係飲酒).

 

不過約左出黎食飯(無理由唔出黎食飯o者, 唔通大除夕都係得一個人食咩)(另外餐晚餐都幾好食, 幾特別呀)之後, 知道原來有好多好多人會去玩, 所以又忍唔住去左. 不過去之前上左世貿間機鋪打機(哈, 呢間機鋪係以前補習年代多數會去既機鋪黎, 所以有一乍銀仔未用, 長期放係屋企某個角落), 打機無乜野好講, 不過佢出面個攤位遊戲都幾crazy, 係咁掟公仔俾人拎, 其實都有衝動都拎番隻, 哈.

 

然後去唱k, 拎左間大房(哈, 人事關係), 預有25人黎既. 結果整晚最高峰既時間估計達40多人, 雖然好逼, 不過都好熱鬧下, 而且成場有7成人都唔識既(當然玩完之後都唔係好識d人啦, 人地都未必記得你有冇黎過), 咁樣屈埋一間房度倒數同玩, 都幾過癮.

呢晚專登唔飲咁多, 因為都好怕飲醉個感覺. 結果成功左, 飲得勁少. 不過就成晚多數睇人玩, 幫人加酒, 後期就扶人呀, 之餘此類... 其實個感覺有d似阿婆, 企埋一邊唔玩, 又要執頭執尾, 不過個感覺都幾好, 而且始終有個人清醒d係好d既. 雖然我估佢地都係扮醉(飲咁少邊會醉成咁丫).

 

總括黎講, 呢次都係一個幾好玩同幾難忘既經歷. 不過想唔想有下次呢? 都係未必啦.

 

p.s. 唔知點解而家乜鬼野都興倒數, 聖誕啦, 新年啦, 好開心咩? 話見到自己生活左多一年, 應該開心? 咁咪要日日都倒數?? 我諗都真係幾無聊既一樣野黎, 唔怪得頭先倒數果陣都好似只係為左做而做, 無氣氛又無意義.
--
Jason Kwok (\/)@-@(\/)