生日夜

(我都試下提番朋友d名先, 好似都會易寫d...)

生日去唱k, 好似都成了一個習慣, 好多野都重覆發生. 就好似今晚李wing生日, 王家偉例牌無啦啦走左去訓覺, 除衫同做掌上壓...

不過今次都算多人呀, 除左平時成日出黎果班之外, 仲有Maggie, 小鳳.

今晚最特別係居然有魔術表演喎, 銅鑼灣既CEO呀. 好勁, 淨係一副白色既啤牌, 加一張簽左名既啤牌, 咁就玩左好幾個好神奇既魔術. 雖然大概知道佢將隻牌收去邊, 但係隻手真係好勁好快, 完全睇唔到佢做乜黎. 拍左少少movie, 如果大家想要, 可以問我拎.

最後3點零鐘陪Lucas上左小巴之後就返屋企. 呢晚好清醒, 因為滴酒不沾:p. 不過都好high呀, 見到佢地好開心.

因為之前同Jessie去影相, 所以又用左部寶麗來同佢地影相, 有幾張送左俾李wing當係生日禮物啦, 另外同Vernon都影左兩張. 仲有部菲林機都影左d架, 不過仲未晒住.

無醉, 係因為要照顧自己, 繼而可以照顧人之外, 亦唔想人地擔心.

--
Jason Kwok (\/)@-@(\/)