好假期

放左咁多日假, 最relax, 不過最辛苦都係今日.

今日個行程都算plan過下, 目的地係香港仔個瀑布灣, 諗住影相. 不過今日就唔只去瀑布灣, 仲去左幾個地方.

係網上面既forum度得知有個叫Polala既相機展, 會展出五百部既寶麗來相機. 係呢年幾, 夾埋都買左七部寶麗來(kakaa), 真係好似中左毒咁, 所以今日都路過, 就上左去睇下. 點知上到去(其實都行上行落幾次都搵唔到), 先知道原來今晚先開始, 所以就去左第二度買野先.

首先上左無印度(kakaa)買左兩本相簿, 用黎放寶麗來相用. 然後行過去信和果邊買六合彩, 因為朝早收到order, 要幫Woody同阿偉買六合彩, 六千八百萬呀~ 中左就發咯. 途經times square對面果既馬會(原來呢度都有間), 見到實Q唔俾人上, 可能多人得滯掛(聽到有人講"有錢派咁呀~")... 行到去信和果間, 人都唔算太多, 排左陣就買左. 不過填果陣時真係幾緊張, 驚寫錯no., 如果本身係中, 但係寫錯左, 變左唔中就大獲麻.

之後買多少少野, 就坐巴士入瀑布灣. 本身諗住入華富村, 但係原來無巴士入去, 結果坐左入華貴村(華貴好似遠d, 不過由華貴行入去多d野睇, lucky~). 途經香港仔, 見到好多漁船, 都有諗過落車影下相, 但係都無.

入到華貴村, 無地圖, 無指示, 淨係知道向海傍行, 咁都俾我行到去:p. 途經見到好多佛像觀音像咁, 對出好多人(都有成十個人)係度游水, 雖然有個牌寫住危險... 行多陣... 再行多陣... 行到成個人都濕晒... 終於都聽到瀑布聲, 終於都搵到啦, yeah~

但係又落左閘喎, 又係話危險, 而且又見到有個人係下面行黎行去, 好似行bid咁, 所以都唔敢落去, 怕俾人鬧番上黎:p. 之後觀察多陣, 原來個人係想釣魚o者, 所以我就爬過度閘(好矮架咋), 走左落去影相^^. 影到咁上下又有班o靚仔走左落黎玩, 原來真係唔駛理度閘... 個瀑布估唔到真係幾多水, 幾大, 幾靚.

　　　　
影完相真係好熱, 諗住係華富村度坐低, 飲番杯野之後先過去數碼港, 但係咁岩見到有車, 咁就濕淋淋咁上左車.

去到數碼港, 差唔多4點, 諗住睇番套戲之後大概6點, 咁就可以去海皮度影日落. 點知得魔盜王係4點開場, 其他都要5點先開, 失策. 唯有周圍行下, 幸好個商場都幾靚, hea到5點就去左睇死亡筆記.

套戲都好睇呀, 兩個主角互相鬥智, 不過個意念都幾恐佈, 無啦啦都會死, 期待下集(11月). 睇完戲7點幾, 諗住夏天無咁早日落, 點知已經天黑, 又失策. 唯有坐番車出去睇相機展.

呢個時間終於都開左, 見到好多部寶麗來, 好壯觀呀, 仲見到好多係forum度好"出名"既人, 好似真係好nice咁. 初初以為今日開始有限量版相機菲林賣, 原來星期六先有, 咁星期六先再黎啦.

返到屋企對六合彩, 全軍覆末, kaka, 放完假之後又要努力返工咯~

相：http://www.yskwok.com/waterfallbay
　　http://www.yskwok.com/waterfallbay_pola