七日大假

因為勞工法例規定左我地中心，係每一個年度都一定要俾每一個員工放最少放一次連續七日既大假，而呢個大假，係我個部門黎講係極之難放既，因為差唔多個個月都有大program，無乜邊個可以走得甩。

經驗所得，你愈遲放，就愈難放，所以上年好多同事結果都迫晒係年度尾放，而果時又好多野做，所以放假前後就變左勁勁多野做，勁辛苦。有見及此，今年拿拿聲申請左先，下個星期就放啦，連埋16號佛誕補假同埋Day Off，夾埋放到成12日，正呀。不過都未諗到去邊度玩好，可能最終都係留係屋企，但係執下間房都好既，又想油左間房佢，油到橙色，勁fresh。