今日開OSM，即係中心職員會議，個個都要出席既，講既係中心入面既野。
因為部門主任唔得閒，另一位同事又有野做，結果要我去報告我個部門既事務，好在無乜特別野，亦都有貴人相助，不過係漏左少少野唔記得講=P，不過無乜所謂。
開到4點幾break一break，之後傾之前講過既DO，即係好似風紀果個System。都講過，其實有d人係好反個system，所以我講左少少野之後，俾佢借題發揮，話某人呢，講野都好矛盾，又乜又物。係有d唔開心，不過都俾我defence到，亦都係有貴人相助，所以先無事。
其實可能都講得太多野，如果係選擇沉默既話，會無咁多麻煩。不過既然覺得係岩既，咪講出黎囉，個個都唔出聲，就乜都傾唔到。傾到鬧交，從而知多d野，總好過乜都無發生咁。而且呀，初生之犢不怕虎，死咪死囉，又有乜所謂。
本來同個就離職既同事食飯，
不過因為佢病左，而我地有部份同事又唔想取消個聚會，
所以結果都有去到，雖然少D人。
去左太古城間Ruby Tuesday，
都成兩年幾無去過啦，
住宿舍(哈，我prefer講住宿舍多過讀大學)果時因為其中一個宿友有張半價咭，
所以就去食得都密d(尖沙咀果間)，
次次都一定嗌Chocolate Tallcake。
有次試過下午茶去完，
夜晚再去食。
今晚雖然班同事都係女士，
但係胃口都唔弱，
食得好多下架，
最好食係炸芝士條同焗薯皮，
當然仲有Chocolate Tallcake啦。
個Waiter好好人，
成日走過黎介紹邊d好食，
邊d有d乜野特別咁。
食飽之後去左Log-on散步，
見到同事好童真(低能)既一面，
自己(←低能)亦都買左下面塊Miracle Leaf，
將塊葉放係清水入面幾日，
就會係葉邊度標d葉仔出黎架啦，
好得意，好期待。
一個新制度，永遠都帶來很多討論，而太多數的意見都會是負面的。是人們不慣接受新事物，還是多數新制度都是推行得太快，計劃得不夠周詳呢？
中心最近的一個新制度叫DO，即Duty Officer，即在中心開放期間，會有一位同事專門負責中心會員事務。即處理突發事件，關顧會員等。最近發覺其形式和中學時期的Prefect差不多，都只是行行企企，同會員(或同事)吹水。但每節的時間是三個小時，每位負責同事每個星期都會有一至兩節，即是已失去了十分一的返工時間了，但工作量照舊，所以同事大多都反對這個制度。
其實早在簡介這個活動時已有很大迴響，推行至今兩個多星期更加是多意見。在月尾會有一次檢討會，希望到時會有個了斷吧！
我做野果度，有幾個倉，分別屬於唔同部門既專係用黎擺放物資既，而位置係屋村上樓既一d房仔。我個部門都有一個，係十七樓。早前因為中心黎左一大批物資，所以第一次上去視察下。入職果陣已經聽聞過個倉好亂好多野，得一見，果然聞名不如見面。個倉應該一百平方尺都無，一字型咁，d物資放到幾層咁高，好有壓迫感。於是，就約左主任第日上黎執倉。
執倉果日，一行人四五個人同呢個倉黎個大清倉。”dum唔dum？””dum””dum唔dum？””唔好dum，仲有用既”通常都係我話dum，我老細話唔好dum。所以最終係我堅持下，都dum唔到太多野。我覺得我主任真係有d似我，好鍾意儲野，不過我就有紀念價值先留，無既都拜拜；佢就見仲有d用都會留，好似d表演用具咁，都幾年無用過，但係佢就會話遲d表演可能會用番呢，所以留番。Anyway，最終都清到d空位出黎解決燃眉之急。
而係今日，實行左房間大修改第二步--執房（第一步係問阿爸）。為左放張新床（未買），所以要拆左個衣櫃，再將原本平排兩邊既書檯同床搬做L字。過程之中，將房入面既大部份物品（原來多數都係書黎）搬晒出廳，搬完書檯同床之後又搬番晒入黎，都幾爽。而當然唔少得既一個環節就係執垃圾，dum左好多野。
dum野其實都幾易，有時可能要少少決心先dum到，但係都好易，可能因為多數野dum左都可以再買過，所以dum錯都無乜所謂。但係有d野就真係好難dum，尤其是同回憶有關既野，所以我都儲左好多無用，但有紀念價值既野，小冊子呀，校簿呀，衫呀，飛呀咁。有d唔係物質既，都會用心記住，尤其係上個暑假。
2/4(Sat)
-Softball 5:30@天光道CANCELLED
9/4(sat)
-Softball 7:00@天光道CANCELLED
16/4(Sat)
-Softball 5:30@天光道CANCELLED
17/4(Sun)
-Softball 2:00@天光道
-Volleyball @灣仔港灣道體育館
23/4(Sat)
-Softball 5:30@天光道
24/4(Sun)
-Softball 12:30@石硤尾
-Volleyball @灣仔港灣道體育館
30/4(Sat)
-Softball 2:30@天光道CANCELLED
一個幾老土既活動，直覺上係細個果陣先會攪。不過都係同其他聚會一樣，重點在於聚一聚，吹一吹水。
原定今日係去大拗門燒野食、放風箏既，不過因為少人得滯，某程度上係個人覺得報名去既人唔應該係咁玩，所以轉左去同事屋企大食會。因為要打錦標賽既關係，所以遲左兩個鐘先到，到左無耐，佢地都煮好晒，咁就有得食喇。野都幾好食，雖然佢屋企無野玩，不過同佢地吹水都幾好，講下中心，抒發下真係幾好，亦都可以update下自己做野果度既資料。得閒攪下都幾好。
講番場波，對中體聯，原來佢地係舊省隊呀，舊港隊既既老餅，我淨係認得教港大女子隊既郭sir，講真佢地又唔係勁，不過就輸左，無野好講。唯一想講既係，退左休就唔好阻住晒啦。
