吊燈籠相簿

夜登吊燈籠

因為小美問我借鏡，
所以跟左佢同佢朋友仲有阿Pat一齊行夜山，
11:30入到大埔食個糖水，
就坐的士入烏蛟騰起步，
初段路唔難行，
直到見到個牌，（最初睇唔到個牌，行錯路）
就開始一段好長既亂石陣，
條路又直又斜，
而且不時有兩條路畀你揀，
唔知行邊條好。
結果3點幾上到吊燈籠山頂，
見到有6個其他人已經上左黎。

因為有小美朋友教路，
影星較左色溫，
出黎既色真係靚好多。

好可惜日出時有好多雲，
個太陽出唔到黎，
不過就變左有穌光睇，
算係一個驚喜。

落山時一開始又落錯 -_-''，
之後原路再落，
行番亂石陣時最辛苦。

9點落到山，
10點出番大埔食早餐，
12點左右返到屋企，
沖涼後訓。