這個火炬好嗎?

奧運火炬

因為奧運，
所以中心搞左一系列既活動，
今個星期六有個開幕禮，
所以專登整左幾把火炬做儀式。


入面裝左把風扇


有火既效果，
但感覺麻麻地，
要再諗下用乜野做火會好D。

耆記...

好耐無睇forum，
岩岩睇完，
原來又有好多係關於耆記，
真係出名。

灰成咁，
仲有冇得救呢?

http://www2.discuss.com.hk/viewthread.php?tid=7355275&extra=page%3D1&page=1
http://www2.discuss.com.hk/viewthread.php?tid=7711224&extra=page%3D1

點解?

明明都已經好多野做，
點解仲硬係要搵更多野出黎做?
而且D野又分得唔平均，
一時佢做晒，一時我做晒，
點解唔可以一齊做?
"有經驗"既同事走左，
又要協助無經驗既同事適應工作，
咁多野，點頂?

人事流動

這個月,
有新同事到職,
亦有新同事離職,
其實早已習慣.

但椠這個時間離開,
總會令自己想辭工的念頭加強.

就看看還支持到多久吧...

上井

今日又同同事一齊返大陸，
今次近近地返深圳，
主打係夜晚果餐日式任點任食。

今朝晨咁早就出門，
琴晚已經開始既頭痛都仲未散，
唯有到火車站買頭痛藥食，
不過成程車都仲係痛痛地。

直至上到深圳食第一餐-飲茶，
頭痛先至消失左。
BTW，呢餐茶雖然人多又要等，
不過D野食麻麻地。

然後我地去左睇玩具，
買左D野整下，
又買左D野FOR中心搞活動用。

之後再去做Massage，
途中個天黑晒，
又開始行雷。

因為技師人數不足，
所以無啦啦轉左做Facial...
咁就做左人生第一次Facial，
感覺都幾神秘，
因為做面，
成個過程都眯埋眼，
睇唔到個技師做緊乜，
只係知道佢挑黑頭果時好痛...
同埋做左個Mask...
做完之後D同事話我塊面白左... -_-''

最後終於去食晚飯，
去左上井，
夾埋後來Join埋一齊既人，
一共14人。
叫左好多野食，
未至於係好好食，
不過水準都唔差，
而且選擇好多，
又少漏單。




14人


一人一壺茶壺湯


生蠔


一口牛柳


天婦羅


扇貝沙拉


焗蠔


海老反卷


雜錦刺生


蜜糖芥苿魚柳


大蒜雞串


梨配鵝肝


你估下係乜?


羊扒


鯛魚

半隨心到處遊

大熱天時，
本來都無諗住出街，
但結果都係出左街，
仲去左好多地方。

首先去左九龍塘，
睇一個Polaroid既展覽。
其實去之前都估到唔係太多野睇，
或者應該話好多野都睇過。
不過今次係因為Polaroid停產菲林，
希望集合d訴求希望繼續有菲林用，
所以有特別意義，
要去支持下先得。


之後去太子新世紀廣場，
而家有一個用Lego整既奧運場境，
除左鳥巢同水立方之外，
亦有其他運動同得意野。

Lego奧運會

然後到旺角借支鏡畀小美，
再坐車到九龍灣Mega Box，
想睇下買唔買到飛睇Batman，
點知無晒飛，
但係又咁岩睇到半場Ice Hockey，
所以順便又影左d相。

Ice Hockey

之後經過觀塘又買左部相機仔，
睇下改唔改裝到。

最後終於都返到屋企。

維修舊相機

早排整左部魚眼相機之後，
今次整埋部LCA。

部相機自從幾年前跌過一次好嚴重之後，
測光壞左，
試過自己整又整唔到，
一直都無再用過。

今次拆得再徹底D，
夾埋拆左廿幾粒螺絲，
同時亦唔左左幾粒螺絲 =P

好幸福，
今次竟然整得番，
聽日拎出街影下重生後既相先。

Sick

今日懷疑食錯野,
lunch之後夾埋去左3次大大,
每次都好多水,
感覺就好似女仔咁... -_-"

睇真d(哈, 咁都好睇),
有d一塊塊長方形既野,
最初以為係朝早飲既蘆薈,
後尾諗真d,
原來係晏晝食既餃子入面既韮菜,
真係狗,
搞到我痾咁多次,
好在無其他唔舒服,
今晚仲可以去打波

Sent from my iPhone

ha~ one more, 有大有小

more 燈籠 ^_^

摺紙

今日放工去打波之前,
走左入書局買左呢本書.

上年中秋節,
貪得意用竹同玻璃紙,
整左楊桃同兔仔燈籠,
都幾靚架,
又幾好玩,
所以見到呢本書,
就好有興趣又整下.

返到屋企,
用A4廢紙試下整,
都ok.

如果跟本書咁講,
用牛油紙個效果應該會好好多,
而且點埋蠟燭都無咁易燒著.



p.s. 呢幾日天氣都幾好,
係時候要出街晒下,
生產下一d維他命D先

巨蜂提子

今日係屋企第一次食，
雖然只係韓國出品，
而非產自日本，
但都好好味。

之前飲過巨鋒提子既飲品，
覺得巨鋒無乜特別，
今次食無加工既，
原來真係好正，
感覺居然有少少似魚子，
有咬破果下感覺，
不過真係太甜，
唔食得太多。

雜項

藍天日落

連場大雨過後，
天色都變得晴朗，
尤其係琴晚見個天咁靚，
所以今日放工後，
專登走左去西環影相。

原本諗住去老地方影，
但坐車途中見到有個地方都係海皮隔黎，
所以就早左落車去新地方。

呢度係西區公眾貨物裝缷區，
有人釣魚，
亦有細路仔踩單車，
仲有老人家做運動，
而且有好多貨船，
岩晒用黎做前景。

結果不負寄望，
天色真係唔錯，
配合唔多唔少既雲，
真係好靚～

西環日落

I like blue blue sky