影相

宜家愈黎愈多人有相機，
唔單只係dc仔，
仲有好多人有dslr。

上網睇forum，
好多人都話自己乜都唔識，
所以想買dslr學下。
但其實學影相最基本要學既光圈快門，
好多dc仔都可以學到，
唔駛用咁多錢黎買dslr。

但係廣告話呢部相機好，
咁佢地就跟住買，
唔理部機適唔適合自己。

就好似最近見到好多人影相都唔用閃光燈，
因為廣告話推高個iso，
用自然光黎咁影會自然d，
但係有時你會背光，
或者企個位塊面會黑左，
咁就應該用閃光燈補番光，
咁先見到塊面。

影相雖然係好隨便既一件事，
唔一定要識得好靚咁構圖，
但係需要將想影既野影到，
咁有d基本野都一定要知先得，
唔係影完張相都ｏ徒左。

好多時影相就係為左補捉果一剎那，
如果因為影得唔好，
咁就補救唔番。