又有人結婚啦

到左咁上下年紀，
身邊都開始多左朋友輩結婚，
亦聽到好多朋友諗緊結婚既野。

我一直都覺得呢樣野好遠，
直到岩岩個星期日做兄弟，
先第一次咁近去睇呢樣野。

呢次朋友結婚，
好多野都係佢兩公婆自己搞晒，
所以我地兄弟（有7個）好似都無乜野做，
我就淨係幫佢影左段跳舞既短片，
同埋將佢係台灣影既結婚相做個slide show，
都唔算得上幫，
我都係當玩o者，
雖然有d野自己都唔係咁滿意，
不過個效果出黎都幾好，
都有人讚。

呢日拎左部相機影左大半日相，
都叫做學到d野，
因為唔係做正手，
所以都唔多影大路野，
反而影多d花絮，
影下d人既表情，
我都幾滿意架。
不過新人未睇，
唔知佢地鍾唔鍾意呢。

雖然朝早8點鐘集合，
到最尾幫手送埋d野去新屋度，
返到屋企都點幾，
好累，
不過心底裏都覺得好開心。

有朋友結婚係一件好開心既事，
不過自己都係咪搞，
呢d野唔岩我。

如果新人唔介意將d相公開，
到時先放條link係度啦。