泰國之旅-Last一日

今朝訓到黃朝八晏，訓醒先記得要執好晒野check out埋先可以去食飯，所以拿拿聲執野。但係都遲左，好在食意大利菜果度可以遲半個鐘先去。Check out左之後放低左d大件行李係酒店度，就坐的士出左去食野，間野都幾平，每個set lunch都只不過係330銖咋，即係港紙70蚊左右咋，有頭盤有主菜有甜品，仲要係個咁grand既地方食，抵食（雖然d野食唔算太好味）。

食完之後返左酒店附近一間按摩店按摩，男仔就泰式按摩，女仔就按頭同肩。呢間個環境好過第一間，不過呢次就唔係得誠幫我按，而係一個男人，不過又幾舒服喎。另外有兩個得15歲既女仔幫我個friend按O_O''。

本身約左車3點半到酒店接我地，但係我地按完都成3點9，個司機打黎居然話係機場等緊我地喎！！！好在佢都可以幫我地call到另一架車去酒店接我地，4點9去到機場check in。

本黎諗住係機場度翻卓多次芒果糯米飯先走人，點知無晒芒果喎...真係失望。結果係上機前去左食Burger King，我叫左個Double Burger加大，食到飽一飽先離開泰國。

返到香港10點幾，拎行李果時Woody等左件行李好耐都未搵到，幾度以為俾人拎左，好在最尾都搵到。回程果時王家偉係咁傾電話，旁若無人...我地就係度分媽媽麵，就係咁，個泰國之旅就咁完成啦。

P.S. 除夕晚曼谷有炸彈爆炸，好在我地已經走左。