拿得起，放得低。

兩個動作對我來說都是很難做到。

拿起，有時因為太重，拿不起；有時因為選擇太多，亦拿不到。

放低，可能因為太難拿得起，所以難放低，縱使手?拿著的早已走了。

讀後感

很多，整理好後說

失眠夜

沒想到離開已久的失眠又再到訪，感覺很不自在，像呼吸不到似的，很討厭。
是假期後遺症嗎？剛看的書也有一篇是關於假期的，工作過後，希望在假期能輕鬆一下，好讓自己可以繼續工作下去。然而假期過後，總會討厭工作的來臨。假期，真係令人又愛又恨。

Little Jason

假期完了

假期最後的一天，永遠是最難過的。
明明仍是假期，但會卻被第二天的工作煩擾著，過得甚不自在。

少少野

今日終於同老豆講左話想買張新床，計劃左好耐既睡房翻新大計實現左大半，因為平時同老豆甚少交談，所以提出要求，對我黎講，係一件大難事，亦可能係星座作怪，金牛座不愛轉變，房間的設計擺設如此，和老豆的關係亦是。

我不會用差來形容我們的關係，我知道他關心我，我亦會關心他，只是，我不愛和他說話吧。

剛買了一本散文集，是商台DJ Wasabi寫的，一直都有聽他主持的節目，對他說的感受很有感覺，而且常有同感。

書中其中一篇題目是大情大性，大情大性的人，開心時會高呼大叫，傷心時會放聲痛哭。我，應算是半個大情大性的人，不高興時，我不懂得隱藏，甚至會發脾氣，開心時卻會視乎情況和對象而有所不同。有的我會選擇沉默，我老豆便是這類對象，當然亦有些同事和朋友亦屬這類，但為甚麼是這樣，就不知原因了。現在我這麼的想，原來自己也很自私呢，不高興時要人受罪，開心時卻不和人分享。但，這就是我吧。

有需要改變自己嗎？我知道是必需的，但...又是星座的關係吧，不愛改變是我的性格，改變可能會變得更好，但我就是怕，怕要去適應吧，尤其是人和人之間的關係，由他這樣吧。

一整天

放假的第二天，如常地9點幾10點就醒左（呢個習慣俾人話老人家，一般年青人應該訓到12點先岩）。晏晝三點幾先練波，不過因為唔想留係屋企，所以早左出門口行陣街先打波。練波得五六個人，其實都預左，同佢地打波，一係要預左少人，有人會放飛機，二係預左遲到。打波打得唔係咁好，應該都唔係技術差太多，而係有d心理狀態要調整下。

練完波6點，個人都散散地，去左體育館度沖左個涼之後就開始流浪，因為約左人11點去竹戰，又唔想返屋企再出過黎，所以周圍行。結果，行左幾個鐘頭街，買左少少野，都幾滿足，不過都係未買到相機，始終心大心細，唔知買邊部好...

本來想話睇番場戲，不過就無戲好睇，所以就行行行，行到腳仔都軟晒。食飯果時揀左間少d人既KFC，揀左個向街既位坐，有野食之餘又有野睇下，無咁悶。食完拎左d紙筆出黎寫少少野。

到左11點打俾個朋友先知原來改左11點半，唯有再行多半粒鐘，個人真係散晒。齊人開檯，本身我地既目的係想試打自動洗牌機，不過full晒，唯有人手洗牌。

呼~

差唔多成個禮拜無寫過野，今晚終於都得閒啦。

今日下晝，終於都完成左個班組表演，雖然有d問題出現，但係都算順利演出，真係幸運。

今日係西灣河文娛中心劇院舉辦敬師愛師顯才華，朝早八點鐘就要返到中心準備物資上車，不過六點幾就起左身，好緊張。一開始，約車果度就出現左問題，個同事搞錯左個出車時間，搞到架車遲左黎，都有d火瀼，因為個同事都真係幾令人啞晒。好彩都順利上晒車，算準時到文娛中心準備開始。

成個表演夾埋有11個環節，典禮、班組點滴DVD、中國舞、社交舞、話劇、唐詩朗誦、木蘭扇、粵曲I、粵曲II、時代曲、中樂同埋謝幕，而所有表演會用個故仔黎串連住晒。我負責做Stage Manager SM，即係負責話俾音響同燈光知幾時要起音樂同用乜燈光等等。而朝早場地會用黎綵排，下晝先正式演出，所以朝早要夾好多野。

因為場地呢度就話最好用晒MD既，所以係之前就錄定左一隻，又燒左隻CD做後備。第一個綵排就係中國舞，一播，老師就話錯晒，好彩有帶埋佢餅帶黎，所以即刻轉播帶，咁又無事。之後時代曲果時又話隻歌d人聲太大，要播番原裝帶，好彩又有帶到。另外到粵曲果時隻MD個track又得幾秒，可能係錄果時，部機懶醒咁幫我分track(好似會自動detect到dead air就分track)，所以又唔得，好彩仲錄左CD。咁綵排果時最多問題都係呢d，好彩執得番晒，同埋多得果度既工作人員幫手。

咁之後都總算無驚無險咁完成左個綵排，食飯果時開個跟進會議都無乜特別野要跟。食完飯，兩點零鐘就準備好晒隨時開始。原定兩點半準時開始，但係因為又有d嘉賓(導師)唔知行左去邊，要去搵番佢地出黎，有一個到好後都未搵到，老細遲遲決定唔到頒獎果時飛唔飛起佢，另外又因為同事話搞唔掂部DVD機(後尾第二個同事話根本就無事，係果個同事以為有事-_-")，所以delay左d。最大鑊係中樂特然話要提早出場表演喎，本身係最後一個節目黎麻，調到上黎真係好麻煩，司儀稿又難改喎，因為有個故仔係度，好彩都算執到生，司儀應記一功。

典禮順利完成，送左d自製既禮物(一本好似相簿，?面有上堂相同同學心聲)俾導師，之後就播DVD(我整既=P)，順利播出！再過埋中樂，就到中國舞喇。表演同學老師企好晒，開左幕，開左燈，播音樂，老師停晒，又望住我示意話我錯喎，咁就停音樂啦，問下音響係咪未回帶，音響又話回左啦，咁無計，唯有照去啦，由頭播過，今次老師又無話錯喎，又跳到喎，即係頭先其實都無錯到啦，音響都同我講”咦?同頭先一樣咋喎，又岩啦？”，真係頂?呢位老師真係無得頂啦，都唔係第一次，上個月團年飯表演果時跳另一隻舞，又話我播錯帶，其實又係無錯到既，真係俾佢玩死。

之後都無乜特別，係有時司儀介紹完，舞台都仲未ready好會有dead air之外，其他野都ok，仲比預期早左好多完。早左都好既，多d時間俾d表演者同導師大合照，我地又多d時間執野，個目的又做到，總括黎講都係成功既，好開心?

Matches Schedule

又黎啦，谷晒係一個月度打，4月份最多有成9場波打，最少都有6場，好彩中心年度完左，咁都得閒d...掛

2/4(Sat)
-Softball 5:30@天光道
9/4(sat)
-Softball 7:00@天光道
16/4(Sat)
-Softball 5:30@天光道
17/4(Sun)
-Softball 1:30@天光道
-Volleyball @灣仔港灣道體育館
23/4(Sat)
-Softball 8:30@天光道
24/4(Sun)
-Softball 12:30@石硤尾
-Volleyball @灣仔港灣道體育館
30/4(Sat)
-Softball 2:30@天光道

有興趣就黎睇啦

還在中心

正在為24號的班組表演苦惱，好像甚麼也做不到。
又是無能為力，討厭

13/3/2005

係屋企無得上網幾日，人變得無聊，終於動手整理了一下盆栽，替他們換了新泥。都很久沒有照料他們了，有時連水也懶得淋，幸好他們生命力強。可能到了春天的關係，原本好像就死的蕃茄又長出了新葉，期望會長出蕃茄呢。

今天到了灣仔和太子看禮服，因為要為社交舞班準備表演的服飾。其實準備得太遲了，老師一直想的是替同學度身訂造，但由於我沒找到門路和很累的關係，拖了很久也未做到，所以現在想找些現成可即用的道具。但看過後，原來也得貴呢。得和主任再商討一下。

想買相機很久了，由1月想到現在，其實也有心水，但總是心大心細，下不了手。我就是這樣，所以也因為這樣省了很多錢。說起錢，自己也替中心活動班組等預支了很多錢呢，計下計下都有成萬=P，不過有得收番既。基本上可以申請錢，唔駛自己俾，但係D手續好麻煩啦，所以出到都自己出住先，埋數果時先問中心拎番。

除了相機，也想買攝錄機...也想買鞋...

死亡

對於死亡，一直都感覺離我很遠
有想過，當親人去世時會怎樣
當公公??去世時，心情沒有怎樣
如果是再親的，不知會否不同
今日中心發生了意外，有位伯伯在我面前去世了
但，我也沒有太大的感覺，中心亦如常運作
究竟是怎麼的一回事呢？

甜品自助餐

呢次係我第二次食既甜品自助餐，相比第一次，呢間（黃埔既海逸酒店）既質素好似差d，可能係一分錢一分貨既關係，又或者係第一次食會有多d新鮮感。

今次係同班同事同埋同學一齊食，組合有d怪，其實就係本身得班同事既，但係又唔夠人（因為五送一。如果早d頂到位既話有二送一添，不過一早爆晒），所以邀請左兩個同學仔一齊食。

多數甜品自助餐係食宵夜既時間，但係呢間就好好多，食7-10，所以唔駛捱肚餓等食，當正係正餐。雖然有成三個鐘食，但係都唔係出左去食好多輪，吹水多過食。不過無乜所謂既，開心就夠。呢間最特別既係好多甜品都獨立有野裝住，好的式，味道唔算好甜，基本上ok啦，但係無乜驚喜。

由於間酒店既位置都幾格攝，去果時還好d，可以係北角坐船去，但係回程果陣已經無船，要行番出去幾條街先有車坐。不過都係啦，食得咁飽，行下都好既。

聽講金鐘果間幾好食，仲緊係貴d啦，不過有機會都想試下

明白了

不煩你

剪片

中心的財政年度由4月頭到3月尾，所以最近很忙，忙於總結及檢討過往一年的事，和定立來年的計劃。

除此之外，每年三月，都會於西灣河文娛中心舉行一個由兩間班組同學表演的節目。為此，我們部門於這段時間都會很忙，尤其是我和另一位同事，因為由我們兩位統籌。

我工作的其中一項是製作介紹班組的DVD，主要是將班組的相片和短片，加上配樂等，組合成一段數分鐘的短片。早在大學最後一年，已試過製作影片，但這次壓力大了。

結果花了整個星期日，造成初稿。有些內容，仍需要再收集一下，但先讓老細看過樣本，覺得ok才繼續。

廿四號便是表演，還有十多日，但好像做不完工作似的... 討厭倒數。