中心會員團年飯

舉行地點係北角新都會大酒樓，本身返9點，比平時可以遲起身成個鐘，點知跟車果位統籌同事唔舒服，所以俾人morning call左返中心先，訓少左成個鐘呢！

活動都算順利，搞左成35圍，其中兩圍係部門主任同班組導師坐既。呢日我負責音響，唔算太複雜，所以俾人叫左去坐嘉賓席，同d導師吹水。好彩都識得d導師，咁先無咁odd，不過都幾唔自在，所以後尾乘機幫手走左出去。

活動完左，call貨車運野走，但係打左幾次都飛左落秘書台，所以一直係度等。點知到個同事一打個電話，就即刻通喎，無野好講。

搞掂晒d野，都成4點幾，係酒樓食埋lunch，同埋做evaluation。