好辛苦
好大壓力
星期一, 2月 28, 2005
星期日, 2月 27, 2005
星期五, 2月 25, 2005
週年聚餐
呢次聚餐，係成個耆康會搞既，夾埋廿幾個單位成幾百人一齊食餐飯。由於收費根據不同職位而有所不同，所以好多員工（包括我自己）都係以超值價廿蚊搞掂。因為咁，呢晚宴開五十幾席，酒家一層都坐唔晒，要坐埋第二層，不過就要睇直播。
四時恭候，七時入席，其實放得工黎，黎到都七點。成晚都算幾悶，台上面都唔知做緊乜，好彩同班玩得既坐埋一檯，靜雞雞玩啤牌，玩killer同三級豬（副啤牌係之前中心員工團年飯買果副:P）。嚇死人，居然有好多人唔識玩喎，同我差唔多年紀咋喎，咁都唔識既。後尾諗到呯?嘩，同隔黎個講啦，又唔識... ◎┬◎可惜係同班總監董事坐埋同一層，所以唔可以玩咁耐，原來坐另一層睇直播仲好。
成晚最值得一提既都係大抽獎，我地成檯中左5個，都算多啦，不過中既野就... 有個係百佳$50禮券（最好呢個），有個就熨斗-_-'，我就檯燈... 最尾壓軸有現金獎抽，一千二千三千，不過就無我地份。
星期日, 2月 20, 2005
星期五, 2月 18, 2005
星期三, 2月 16, 2005
星期日, 2月 13, 2005
新年
年卅晚，個個都想早走架喇，我都唔例外，仲約好晒人去玩。之但係放工前要同主任傾傾到活動，佢又遲遲都未得閒，結果到放工先開到會，所以遲晒。好彩好近，一搞掂就走過中心隔黎間球場度打籃球。由於落雨濕濕，又耐無打，所以篤左魚蛋呀，仲要係手指公，好痛，好耐都無篤過，好耐都未試過篤完咁耐都未好番。
之後食飯打麻雀打機行花市篤波食早餐，玩到七點零就返屋企訓，訓幾個鐘就過婆婆度拜年。
初一二三放公眾假，照舊，放親假都無野做，悶爆
臨近返工(初四)，d節目先黎，都好
初三晚，小學同學眾會。講起黎其實都幾得意，本身小學雖然同佢地同班，但係果時仲靜過而家好幾百倍，所以都唔算同佢地好熟，畢業後更加係無見過(除左同一間中學啦)。跟住應該係中五中六果年暑假，無啦啦俾個小學同學搵番，仲好奇怪咁出左好幾次街，係幾三四個人，有男有女果隻喎，次次諗番都覺得好搞笑。
咁之後再有一大夥既眾會，都開始有我份喇。個感覺好奇怪，本身係小學同學，但又唔係好熟，見番面，就好似識新朋友咁，但係又有一份親切。
雖然果晚淨係燒野食，不過都幾好玩
初四返工，都無心機做野，所以一夠鐘就即閃，走左入紅磡開大檔。呢個係Ricci Hall既傳統黎，不過畢左業之後移師左去一個人既屋企度。不過因為早到早走既關係，都未開檔就要走，淨係打左幾圈麻雀，贏左餐飯。
繼續既節目係番主場繼續竹戰，本來都出現人腳問題，但最後尾都解決到，終於係凌晨一點開戰，打到七點咁滯，雖則累，但好玩。最辛苦係佢地走左之後要清場，仲要洗碗。
訓左三個鐘之後又到下一場，番左hku練波，照舊，好relax，好開心。本身之後仲應該有節目，不過因為無乜人去除消左。
總結到今日，收到33封利是，算係咁啦，聽日繼續努力
星期五, 2月 11, 2005
星期四, 2月 10, 2005
星期四, 2月 03, 2005
星期二, 2月 01, 2005
壘球聯賽04-05年度第一場
星期日朝早係石硤尾對Zero，諗落其實都好多不利因素。
1. 眾人最怕既早波
2. 要係本黎已經逃離左既場地打波
3. 對Zero，一隊怪球隊，上年贏得佢地一分
結果，真係輸左
訂閱：
留言 (Atom)
