鳳凰觀日

星期五晏晝Maggie Tsang話去鳳凰山睇日出，
諗都無諗就應承左。

星期六探完BB之後就出發，
出發前去左鴨寮街度買左個電筒同快門線。

呢次旅程，
除左Maggie之外，
其他人我都唔識，
Maggie仲話有D唔舒服...

等齊人終於出發，
佢地買左好多野去起點度打邊爐，
都未試過行山食咁多野，
結果都係食唔晒，
而且食完都12點幾。


Maggie終於都頂唔順，
離開左大隊，
留低我同會部唔識既人 :O

因為2點就要出發，
得個半鐘，
佢地個個都訓番陣，
我無訓到，
影左D星。

第一次影星，
全靠快門線，
可以影到星軌。
可能第一次影，
而且好多雲，
所以都唔係咁影到。


2點執好野，
3點起程，
行左2個鐘，
上左600米，
5點正登頂，
好多人...


山頂好大風好凍，
最後頂唔順拎埋個睡袋出黎包住個身。

等到6點左右，
已經見到D野，
好難得係咁大霧同咁多雲既天氣下，
都仲有一條罅去睇到個日出，
真係不枉此行。





行番落山先大件事，
好斜，
好驚跌落山...


終於行左個零鐘落到山，
行到去心經簡林，
然後食左個餐蛋麵，
就坐車走人。

返到屋企2點，
又一次連續廿幾個鐘無訓啦，
好眼訓...

鳳凰觀日

青大細B

星期六去左探青BB x 2
大BB大左好多
細BB好細粒

青大細B

盲俠行-完成

呢日晨咁早7點就要起身，
8點返工做program，
5點先放工。

約左隊友8點食飯，
所以留係中心hea到夠鐘先走。

係灣仔德興打左個好飽既邊爐，
睇埋無線頒視帝視后，
再睇埋肥肥，
就出發到起點-灣仔運動場。

事前因為唔知乜野關係，
6個人報名得4張通行證，
好彩解決左個問題，
係現場拎埋淨低果兩張。


入到去撞到幾個朋友，
不過開始行之後就撞唔番嚕。
係現場玩左D唔知乜野遊戲，
同埋做左少少熱身就起行。

係灣仔到中環既一段路，
全程都勁多人，
好似去左旺角咁，
行起黎都幾逼。

去到IFC對出既天橋，
扮左陣盲，
由拍擋拖住行左一段路，
感覺上無預期咁好玩...


之後一直行，
間唔中等下廁所，
間唔中坐低抖下，
後尾仲間唔中訓下，
不過我唔敢訓，
因為訓左就醒唔番。

終於7:15行到去淺水灣，
行左廿幾公里，
估唔到咁累...

呢幾日真係忙到嘔
連中心盆草仔都死埋
希望過埋今個星期就好D啦

不過星期六就盲俠行
好似乜都未準備
唔知有冇精神同腳力去行晒佢呢

回顧星期四

剛剛既星期四同Lucas & Vernon去左太古城踩冰，

踩冰經驗：我& Lucas：1次；Vernon：0次
結果：由扶住行到最後大家都可以唔駛扶住踩到一個圈。

~~成功~~


夜晚約左同事&舊同事食大閘蟹，
地點係信和Neway隔黎果間潮樓，（哈～連續兩晚都去信和）
每人食左隻蟹，
好似無上次咁好味，
不過幾平，
叫多幾碟送，
埋單每人都係$80。

中心植物

有四葉草啦


成棵樹咁呀