拜會中學老師

本來係星期日晚去拜年既, 但係原來琴晚都有人一齊去拜, 所以琴晚就同班隊友一齊上去miss屋企, 之後就食左餐便飯, 同埋吹左好耐水, 吹到12點幾先走, 就係咁, 同班隊友就fd多左.

利利是是

岩岩拆左利是，截至今日，一共收到67封，數字上都算係一個記錄。

新豬年

年廿九
call左班朋友仔上我屋企打邊爐, 當係食餐團年飯咁. 果日專登請左半日OTL, 專程去筲箕灣度買送, 然後返屋企準備. 7時入席, 打住機等, 差唔多9點先齊人食飯. 點知俾大隻源一啪, 啪到個gas罐漏gas, 十級危機, 不過有人繼續玩wii, 我同Woody到後樓梯放氣不成, 唯有行樓梯落樓下搵個地方安置罐gas, 行左大個圈, 終於都搵到個無乜人既水池隔黎安置好佢, 事後都無新聞話太古城有大爆炸:p
之後成點幾先約實一齊行花巿, 湊下熱鬧.

年初一
2點幾同婆婆拜完年之後, 悶左成日, 結果搵左幾個朋友差唔多10點先上黎我屋企打機打麻雀, 結果咁就玩左個通宵. 無輸贏.

年初二
同屋企人打麻雀, 贏左百幾蚊.

年初三
同小學同學一齊到小學老師度拜年, 出奇地好玩, 而且有個小學兼中學同學就黎結婚, 搵左我做第一次兄弟, 正.




年初四
要返工, 但係唔記得轉左更要返早, 結果遲左. 放工之後同班朋友食完飯, 上左Woody屋企又打牌打機, 輸左少少.

年初五
個鬧鐘無響到, 又遲到...

年初七
朝早中心有人日活動, 下晝打波, 夜晚開兄弟會

年初八
朝早入西貢同同事食個晏, 之後入馬灣探主席, 夜晚睇下有冇時間探miss

早食的情人節晚餐(好飽)