_exposure.1.jpg)
I like it becoz the feel is soooooo gooooood [taken by lomo] 
星期一, 1月 31, 2005
星期六, 1月 29, 2005
職員聚餐
火警演習、職員會議同聚餐都堆晒係今日進行。
先講火警演習，因為好多同事都係真入職既關係（包括我自己），所以都好興奮下，因為事前知道晒幾點走同分左工，所以都準備就緒，仲講笑話”唔．．．我有預感陣間會火燭”。正式開始，roll 機，每個人都做番自己要做既野，包括疏散會員。唔知點解，今日中心好少人，所以都好快，唔駛兩分鐘就走晒出黎，搞掂返番晒入中心都唔駛一個字。如果真係火燭果時都咁順利好彩就唔駛驚。
職員會議出席既有成兩間中心既所有文職同事，成廿幾卅人逼埋係間好細既房度，岩岩好坐得晒，坐多個都未必得。循例D部門主任報告番D事務咁就開完，其實都幾無聊。
聚餐入面無打到麻雀，買左副啤牌（大會居然無供應）同十零個同事玩com棉胎，一人派得幾隻牌，好快玩完；又玩埋D好低能既野，潛烏龜呀，七級豬呀，低能得黎又幾好玩既。
無因為同部門所以坐埋一齊，選擇左同自己岩傾既同事一齊坐，所以好舒服好開心。抽獎好邪，我地果張狂中。不過野食麻麻，服務又唔好，希望遲D總會果個會好D，雖然只係要俾廿蚊。
星期三, 1月 26, 2005
Old Post 5
Monday, January 24, 2005
琴兩日返左深圳，篤波碌拎已經係指定動作，今次仲試左自動洗麻雀機，打左一圈，都幾過癮，加上打得細，輸左都唔肉赤。
本來諗住上到去諗番下好出名既小肥羊，係香港食一個人都要成百幾二百蚊，上面食平好多。不過因為成七點幾先上到去，所以要等，仲係要等成個幾鐘，所以都試唔到，有ｄ先望。
例牌夜晚去桑拿，又有得浸，又有得訓。見試左樣新野，叫做刷背，實際上係全身刷老泥，真係全身都刷晒架，所以都唔敢試。
第二日無無聊聊咁行左幾行，試左個扣肉腸粉，幾好食架，仲有牛腩腸粉添架，不過無咁好食。
Public - 8:32 PM - add eprops - add comments - edit it - email it
Tuesday, January 18, 2005
琴日都算多姿多彩，所以搞到而家先有時間寫番低
琴日因為工作關係，去左科學館睇個西九龍文娛藝術區既模型，整就整得幾靚啦，好Grand，d phamplet都好靚，不過又因為咁浪費晒d錢
然後去文化中心欣賞一個由四地(省港澳台)長者既綜合藝術表演，但係除左香港之外，其他地方d表演者都唔似老人家既，跑得跳得，所以總括黎講都幾好睇
夜晚就去左長沙灣打波，本來打波都無乜野好講架啦，因為特別，所以先講。呢一場係一場有好多球証，好多司線員既friendly match。事源呢個其實係球証班實習既一堂，所以d球証傻下傻下，又成日俾Miss鬧，又俾我地d球員兇，仲有個俾我撞到彈左埋場，好鬼搞笑
最後12點度返左中心執埋d手尾，執到4點度，幾過癮，有d似以前讀U返lab溫書咁
Public - 3:54 PM - add eprops - add comments - edit it - email it
Sunday, January 16, 2005
今日又打完一個區賽，得殿軍
個程序低能到死，今日先抽籤，又要晨早八點幾到齊，又要有嘉賓遲到，又要遲開，又要場場波都check一check身份証，都係煩
第一場對隊好渣既波，佢地居然係比賽之前出左去個幾遠既露天足球場熱身，仲有人著住牛仔褲熱身，爆笑。不過唔知點解比賽果時仲係有d緊張，影響晒個水準
好彩第二同第三場克服到，笑住黎打，自然得心應手，打左幾球都勁到爆，哈哈。有兩球後二好貼網，打完之後落地仲衝緊向前，所以即刻跟住條中線打橫彈過去，打爆人之餘又唔駛犯規
得第四，無乜感覺，同得第三都差唔多，無乜所謂，第二第一都係咁
Public - 10:19 PM - add eprops - add comments - edit it - email it
你未必是The Best,
但你是The Most Suitable,
The Most I Need
Public - 10:07 PM - add eprops - add comments - edit it - email it
Saturday, January 15, 2005
琴日返番工，意外地都唔係好多野做，或者係d野仲可以拖住先 =P
晏晝見部門主任，應該過到試用期。你話係咪奇怪丫，做到好似升職咁，其實當初又要寫信apply，又要in，仲要有試用期，真係講俾人聽都無人信
病左成個星期都未好得晒，鼻塞塞，頭暈暈，練波唔起勁，今日比賽都係咁。講起今日場波，輸左一件事，睇人唔順眼就真係頂唔順，果條友又成日遲到又成日唔黎，仲咁多野講得黎不切實際，好煩，好想打佢！！
Public - 7:22 PM - add eprops - add comments - edit it - email it
Old Post 4
Thursday, January 13, 2005
話咁快，又放完個大假
結果都係無去到外地，放9日，病4日，頂
Public - 10:40 PM - add eprops - add comments - edit it - email it
Tuesday, January 11, 2005
勁流鼻水，好耐無試過咁勁，想死
百病纏身之際，中心又致電救助，無奈，我幫唔到架喎，可唔可以俾我靜下
Public - 8:05 PM - add eprops - add comments - edit it - email it
喉嚨痛，勁痛，又流鼻水
要快d 好番，一定要係返工前去澳門一趟
Public - 7:54 AM - add eprops - add comments - edit it - email it
次次打完波好累，第二日都病
聽日仲去唔去到澳門呢...
Public - 12:04 AM - add eprops - add comments - edit it - email it
Monday, January 10, 2005
今日入左長洲打比賽，贏左亞軍，但係無乜話點開心，反而有d唔開心，因為表演得唔好。呢個正好顯示左我一路以來講既，過程比結果重要。（當然返工例外啦，有野交到就算）
成個比賽有8隊，淘汰制，但因為同pool果兩隊都無黎，所以贏左第一場就直入冠軍戰。對住隊甲組，輸係理所當然；表演得唔好，就接受唔到。有檢討過自己，知道問題所在，要改?
Public - 2:51 AM - add eprops - add comments - edit it - email it
Sunday, January 09, 2005
人，可以為了令自己好過些，而編寫出一大篇謊話
有時，亦會去相信一些謊話，令自己好過
然而幸福亦同時飄去
Public - 8:03 PM - add eprops - add comments - edit it - email it
Saturday, January 08, 2005
這天終於失守，晨早返中心處理一些事務，??來??去，沒有去理會其他事情，一處理好，便立即離去，因為要繼續享受難得的及人生第一次大假
去了港大的運動場參與壘球的練習，當中的對賽最開心，由於兩隊都夾雜著大仙和小仙，所以雙方都集中對付小仙，結果峰迴路轉，5:8=>5:8=>9:8俾人反勝，激死人，不過都好耐無玩得咁癲，好期待壘球聯賽的來臨
食完早餐，坐隊友架車落金鐘。好興奮呢，係一架開逢車黎，應該係第一次坐咋，不過坐後排，吹到頭都暈
因為仲有成個鐘先打排球，所以係太子度行下，驚覺始創間宜家無左！！
跟住場比賽，真係?時間，對手係浸大教職員隊，實力呢．．．打左一局，無打setter(因為setter有黎)，留力聽日大戰
Public - 9:29 PM - add eprops - add comments - edit it - email it
今日開始，不再去Dasko的練習，原因是未能放開自己，開心咁打波
球隊無進步，問題多數出在教練身上，當可以教的都教了，亦即表示無能為力
有期望才有進步，但不去期望才不會失望，兩者之間，自問仍未能選擇到一個合適的中間點，去令自己過得舒服一些
是放棄嗎？是自私嗎？隨你怎想，我只想隨自己的感覺去做
或許這段期間有太多的誤會和巧合，令事情變得很糟。但不想解釋太多，自己亦不喜歡說太多話，以免引起爭論
支持？不支持？．．．你說呢？
Public - 7:58 PM - 2 eprops - 2 comments - edit it - email it
Thursday, January 06, 2005
放第一日長假，d中心野真係走唔甩，黎左幾個奪命call，好彩無乜事
黎左次終極執房，收埋左d好有回憶既幾個盒仔落床下底
唔... plan緊點去澳門玩，本來諗住買相機既，但係買左手機又唔想用咁多錢住，所以都係借住個fd果部先，唔知呢次去旅行會影到幾多百張相呢
知道左d黎緊比賽既時間喇，有d撞，不過都要睇下打成點先知
黎緊星期六5點鐘係花壚打馬拉松．星期日1點係長洲打區賽，贏左繼續打，輸左就去大埔打區賽。星期六因為無乜人，可能要打setter，今晚練波試過，個感覺都仲ok，幾好。
Public - 1:01 AM - add eprops - add comments - edit it - email it
Wednesday, January 05, 2005
終於放假，要好好過
Public - 8:48 AM - add eprops - add comments - edit it - email it
Sunday, January 02, 2005
琴日十點幾就訓醒，之前飲咁多都居然醒到仲無頭痛，真係奇事因為醒左，所以去左飲茶，埋單果陣，猜輸左俾，見識左個新計法，就係計place，例如一個包，一個剪，兩個石頭(=P)，剪就輸俾兩個，輸得最多，即係佢輸。夜晚開?打麻雀，收左d佣拎去捐喎，都無乜心機打，成晚都唔知做乜，結果四圈食得兩鋪，打6番32都輸左成2百，好在之後兩圈食番d，最後都係無左幾十蚊，捐左去。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
一個人好定兩個人好，從來都無定論，各有各好。如果兩個人可以溝通多些，互相遷就多些，其實亦可以過得無拘無束，但可以遇到適合的對象，而又可以咁理想既機會又有幾大？Public - 11:52 AM - add eprops - 2 comments - edit it - email it
Saturday, January 01, 2005
就這樣，
開始我新的一年
Public - 4:58 AM - add eprops - add comments - edit it - email it
喝醉酒的感覺真的很難受，
整個人都變得很敏感，
少少的接觸也會帶來很大的刺激，
幸好最終也能吐出未吸收的酒，
才不致加深醉意。
Public - 4:56 AM - add eprops - add comments - edit it - email it
Friday, December 31, 2004
這陣子不斷拼命的買東西，隱約中感到自己好像是在逃避甚麼似的，究竟那是甚麼呢？
Public - 6:24 PM - add eprops - add comments - edit it - email it
Thursday, December 30, 2004
究竟係咪自己既意見睇法咁獨特呢，永遠同人地都夾唔到，真係要我改？
放大假，我諗都係近近地去下澳門算數，一來近，二來溝通到，三來好耐無去過，四來都想去，五來唔駛去好耐，六來又唔貴。計下計下，都幾多理由去。
聽日返工，又要做好多野，努力努力
Public - 11:53 PM - add eprops - add comments - edit it - email it
Thursday, December 30, 2004
今日Day Off，無鬼聊，難得一日Day Off，應該享受一下，但係又無野好做，真係煩。
晨早做埋少少中心既野，約唔到人食飯，所以又訓左。
下星期又開始放大假，成七八日，想去旅行，諗過去泰國，但係又搞d咁既野，去星加玻又話唔好，咁去邊好，唔通要返大陸？一於今日刨下d書睇下去邊好先。
Public - 3:12 PM - add eprops - add comments - edit it - email it
Wednesday, December 29, 2004
話咁快就放完個假，今日仲要凍左，真係想起身返工都難
講番last兩日點過先，26號都幾充實架，晨早就返左HKU沙灣徑個球場練壘球，個feel好正呢，因為三年住Hall都係果度打波，最正既係，終於係呢度打左支全壘打，呵呵?
結果一打就打左三個幾鐘，沖番個涼之後就走左，因為要入元朗YOHO Town。聽就聽得多啦，但係都未入過去，要見識下先得。約左三點正等，但係我兩點三先走到，諗住坐西隧巴再轉968，點知坐著架971，話去南昌喎，咁咪好lor，坐到去轉西鐵，點知又係佐敦口塞車，真係頂...早知轉巴士
後尾三點半到左，仲撞到個莊友，咁就一齊行喇。打電話俾個莊友，問下點去，行下行下，原來即係平時打波果頭，即係坐巴士係近d既...行到去喇，原來都不外如是，無乜特別...有d失望啦
上到去都係UNO先，輸左既去買老婆餅，就咁輸剩四個，咁岩就係四個EXCO，元老?真係咪講笑，話咁快就打完六圈，勁?仲俾我贏左餐飯，hehe
之後食埋個出名既B仔涼粉，八個人食一碗，都夠晒。呢日最後既節目係打機，都成三幾年無打過，打左個網球，又幾好玩既，但係好難贏 =P講番份禮物，其實係個杯麵杯，有埋個蓋，好靚架，唔捨得送俾人呢
－－－－－－－－－－－－－－－－－－－－－－－－－－－－－－－－－
到左今日返工，真係想死，無啦啦又死左好多野黎，真係想死，激死人
Public - 12:22 AM - add eprops - add comments - edit it - email it
Sunday, December 26, 2004
孤單
就是
當你一個人
在按著手機
但是
你卻不是想打給誰
應該說
是你不知道
可以打給誰
++++
孤單
就是
你開著電視
開著收音機
卻根本
不是在聽
不是在看
++++
你帶上headphone
或是開大電視 開大音樂
或是大聲唱和
因為
你明白
你不是想掩耳盜聆
而是因為
真的
靜得
令你有點怕
++++
孤單就是
夜了
你還不肯睡
總是將工作放於深夜才做
因為
你知道
一關上燈
寂寞就會隨黑暗
一湧而上
+++++
孤單就是
你開著icq
雖然
你不是在忙什麼
卻永遠都invisible
都not available
因為
孤單就是
你站在時代廣場大電視下
卻明白自己
不是在等著誰
所以每經過人多熱鬧的地方
你卻加快腳步
盡快逃離
*****************************************************************************************
本篇
擇錄自別人的日記
看得
心頭一陣酸
孤單
是感覺
不論
有多少電影要看
多少頓飯要吃
多少的話要談
多少多少多少
靠近心裡的
也章暽擖i數
甚至
一個人也沒有
Public - 1:13 AM - add eprops - add comments - edit it - email it
Saturday, December 25, 2004
人生總有些遺憾，
但既然不能回頭，
那就繼續上路吧?
Public - 10:57 PM - add eprops - add comments - edit it - email it
平安夜，話咁快就過左；聖誕夜，淨有唔夠兩個鐘都會過埋；好彩仲有boxing day同有日補假
呢年都算係咁，以往真係玩得一日度（因為無人約，又無約人），今年就玩足幾日，除左今日
琴晚平安夜，終於都開到會，呢個會好特別，係大學讀書果陣成立，我做主席，有內外副主席同一兩個post咁樣，要入會就要考試，要求主要係睇下反應，速度同識唔識做。都成年幾無開過會，所以琴晚就開左通宵，打左十六圈，一如以往，好好玩，好好笑。最好笑係個獎金，個獎金係無次摸和既時候每人貢獻出黎既，要食到十番先有得拎，以住都好快清到，但係今次就唔知搞乜，打極都拎唔到，到最後幾鋪先俾個副主席食左，真係刺激！
今日就無乜野搞過啦，淨係自己一個人出左街，買左d野俾自己，食左個拉麵，本來仲諗住買多d俾自己做聖誕禮物，但係一係唔岩心水，一係價錢唔岩，不過都買到一份聽日用黎交換禮物既。呢份野好靚好得意架，我自己都想要，但係又貴左d，所以無買多隻，至於呢份禮物係乜，緊係唔講得住啦，聽日交換左先講
Public - 10:49 PM - add eprops - add comments - edit it - email it
Old post 2
Tuesday, December 21, 2004
可能都好多人唔知我做緊乜，等我講下先
而家係我係一間地區長者中心度做，職位叫福利工作員，但係其實同福利又唔係太直接有關係，總之個部門叫做教育及發展，而我既工作就係教育d長者，講得再清楚d，就既係安排班組、講座、表演活動等
做左呢個位都係個零月既事，之前係做中心既”小番薯”，所以都好少提起，其實話自己都幾鍾意份工，唔提係因為一講，就要解釋好多，覺得好煩啦。
做到呢個位，其中一個原因係中心大地震啦，好多人走左，咁先有位上。岩岩做果時真係想死，好多野要執番，又有好多野要跟，好在之前都係做開呢d野，同走左個人又幾熟，所以都算pick up得快，有時心諗，俾著第二個做唔知又會點呢？
Public - 11:45 AM - add eprops - add comments - edit it - email it
琴日誤打誤撞咁去開左個會，係一個有醫管局同其他港島區既服務機構搞既program，希望用陳家太極既其中10式，教到d老人家無咁易跌到
唔講太多個program係點啦，重點係，自己既經驗真係好少，唔係講話搞program之類既skill，而係同人/同其他機構既一齊搞program既skill，原來，好多野係唔講得，好多野都要避開，係面對其他機構既同時，又要向自己老細交代，有時個重點就係少做少錯
有時真係好灰，個世界就係咁，無論自己機構內部，又或者係對外既，都要處處防範，好聽d咪叫做保護自己lor。咁究竟應唔應該學呢樣野呢？
Public - 11:33 AM - add eprops - add comments - edit it - email it
Sunday, December 19, 2004
講番正題，即係比賽，黎緊呢個月又多好多，個個星期日都要，唔係排球就壘球
打個時間表出黎先：
1月9日(日)
離島區比賽初賽
@長洲體育館
大埔區比賽初賽
@大埔壚體育館
1月16日(日)
離島區比賽決賽
@長洲體育館
大埔區比賽第二輪初賽
@大埔壚體育館
葵青區比賽
@青衣體育館
1月23日(日)
大埔區比賽決賽
@大埔壚體育館
1月30日(日)
壘球聯賽
@石硤尾水庫遊樂場
大家都見到，有時一日打幾場波，好既話就到時間就打晒咁多場，有時撞時間，都要忍痛放棄，都幾慘
試過有幾次打成3, 4 round波，又壘球，又排球，有次仲跑埋10K先打排球，仲要係又離島，又新界咁走黎走去，雖然有D辛苦，但係都幾享受，而且幾型，HAHA
而家個時間都未定，定左我會再post出黎，有時間又無聊咪黎睇下lor，我會好開心架
Public - 11:38 PM - add eprops - add comments - edit it - email it
最後要講既係Dasko楝星，係一隊本身HKU DK Hall Old Girls既隊，到左而家，其實都有一半係第二度既人
名義上我係教練，但係教到既唔多，亦唔識教，想當係玩，又放唔低，有期望又失望既一隊
唔知係自己睇野唔同左定點，係度打波個感覺唔同左，有D辛苦
Public - 11:33 PM - add eprops - add comments - edit it - email it
激死人呀，頭先打左好多，無啦啦部機停電咁熄一熄之後開番喎，搞到無晒?
唯有再寫過啦，雖然覺得第一次落筆個感覺會好好多
頭先講完壘球，而家講排球，計落其實都原來打左差唔多半世人，我今年24打左11年，夾埋打過5隊波：
第一隊係中學校隊(93-99)，而家諗番果陣真係好渣，波都唔識殺，但係基本功係果時打好左；
第二隊係hall team(99-02)，去到先知乜野叫做練波，第一年最多大大仙，學野最多；第二年最少人，做埋隊長，承擔最多既一年；第三年都係隊長，學到人事關係最多既一年。打左三年interhall，第一同第三年都好有機會champ，但係都係得第三，係遺憾
第三隊係中學舊生(99-99?)，其實都唔算係隊，只不過係夾過(無練過)幾次波，然後報區賽又輸晒既一隊波
第四隊係IYUSC(00-02)，呢隊係頭先果隊唔到，未報過名比賽，只係練波，練到同學到最多野既地方，但係經常要入到元朗屯門練波，而且個組織有d古怪，所以無繼續打
第五隊係天行Skywalkers(03-now)，係一隊其他中學舊生搞既隊，男一隊女一隊，有人搞掂晒book場報比賽，打得最多比賽既一隊，打得最多位既一隊，贏得最多既一隊，最多人事問題既一隊
好，save下先，費事又無晒
Public - 11:33 PM - add eprops - add comments - edit it - email it
Old post 1
Saturday, December 18, 2004
一直以來的比賽，其實都很想很想有朋友來看，不一定要是支持，只是想藉此讓他們了解我多些，因為我很少說話，很少分享，現在開個weblog，希望會有朋友定期看看
自從讀完大學之後，一直都和比賽結下不解緣，有宿舍畢業生的壘球隊，有誤打誤撞入左既排球隊，同一隊女仔既排球隊。可能好多人都第一次聽，所以先介紹詳細少少。
大學住左三年果間叫Ricci Hall，係HKU黎講係名Hall，出名在唔新唔靚又harsh，sell既係brotherhood，Give before you take之類既concept。不過我都無乜點理，總之識到friend就算，而家keep住有見既主要都係壘球隊既人，一齊練左幾年波，又住左幾年，係同一個文化下面成長，所以好夾，好易溝通，所以都真係算係兄弟，乜都講得，得罪左既，轉個頭又無事果隻。
所以大學三年無心向學，僥倖畢業，唔可以話無所謂，但係都叫做無憾，因為真係得到好多野。
而宜家打緊隊波叫93ers，係我附近幾屆既畢業hallmate，組織既一隊壘球隊，係02年由兩隊Riccian合併而成既，而家打緊壘球總會搞既聯賽B-Blue(ABC三個組，Gold係高班Blue係低班)，往績試過C-Gold Overall Champion，B-Blue常規賽全勝(附頁)。經常出沒既地方係天光道同石硤尾，或者Hall既Tennis Court同死肉房。
我係Team度都算係正選，，但係守果時都無定話一定打邊個位，總之邊?無人就打邊度，攻就多數第一Bat，無咁易死喎，我地都有個non-official既統計。
Public - 3:38 PM - add eprops - add comments - edit it - email it
It's just Jason
Public - 12:33 PM - add eprops - add comments - edit it - email it
星期二, 1月 25, 2005
訂閱：
留言 (Atom)
